飛常日誌II｜劉穎鏇靚聲流利切換4大語言勁屈機 親揭為8秒日文對白做足練習

劉穎鏇「長腿放題」引爆熱討 

在第一輯中以「黑絲空姐」Look搶盡焦點的劉穎鏇（Tiffany），今輯改以OL造型上陣，而且首集即全集「長腿放題」，完美身高、身形再加上甜笑笑容，旋即引發網絡熱討。網民激讚Tiffany是「長腿世一」：「Tiff係自帶bgm嘅女人」、「佢嘅長腿真係宇宙級」、「每步路都有Catwalk Feel」、「依家嘅佢有一姐風範」、「睇到我眼定定」。

+2

點擊圖片放大

靚聲流利切換4大語言勁屈機   

但論到最搶焦的，是Tiffany於處理系統失靈事故期間，先後以流利廣東話、英語、日文及普通話安撫不同國籍的乘客，當中英語及日文部分更說得相當動聽，獲網民大讚叻女，並指其英語發音很好聽。

點擊圖片放大

而值得一讚的是，在劉穎鏇這場處理公關危機場口中，飾演空姐Erica的梁凱晴雖然全程只是「佈景」般的存在，但她明知自己out focus、都依然拼盡全力擠出最燦爛笑容，專業精神可嘉。

點擊圖片放大

8秒日文對白做足練習

對於在首集一口氣挑戰4大語言，Tiffany受訪時坦承有為日文及普通話發音瘋狂練習，並感激劇組同事貼身教導日語發音：「同事預早錄好咗啲日文畀我聽，跟住我就不停喺度背。去到現場嘅時候，呢位同事都有聽住我講嘢個音同埋咬字，再幫我即場調整。」、「例如佢會話啲我啲語調好似strong得滯，會好似冇咁禮貌，呢啲就要調整。」