中年好聲音4｜嚴肅導師韋綺姍爆發少女心 公開向吳亦偉示愛 遭肥媽取笑「狼虎年華」

「中123助力賽」賽制及上半場歌單曝光 

今個回合歌單如下：陳旭培《水中花》、許雲妮《再度孤獨（粵）／逝去的愛（國）》、尹景順《人間》（國）、周志康《失魂》、可嵐《瀟灑走一回》（國）、鄭家聲《阿牛》、吳亦偉《後知後覺》（國），而助力的師兄師姐是「中1生」李佳、龍婷、顏志恒、「中2生」劉威煌、「中3生」黃博、李金凱和王鄭浚仁。

吳亦偉帶病上陣

今集驚喜位不絕！於前三季《中聲》擔任導師的韋綺姍一直予人嚴肅感覺，但今季卸下導師身份，竟化身粉絲爆發少女心！「全能ACE」吳亦偉選唱《後知後覺》，整首歌都頻頻要轉假音及飆高音，難度極高！表演完畢，亦偉才透露患支氣管炎。

嚴肅導師韋綺姍大解放

肥媽給完評語後，踢爆韋綺姍與黑妹都是亦偉的粉絲，韋綺姍即發出亦偉於原創歌《吳亦偉》的招牌「彈舌音」嘟嘟聲，肥媽忍不住說：「係靚仔都唔使咁啦」、「你兩個咁嘅狼虎年華吖！」周國豐亦補刀：「加埋成百幾歲！」全場爆笑。

當亦偉準備離開舞台時，韋綺姍當眾向亦偉表白：「我好鍾意亦偉㗎，你嘅Groove真係好好，好想同你跳番Part舞，我真係好鍾意你！」當亦偉上前跟韋綺姍握手，全場立即起哄「抱抱」、「咀嘴」，韋綺姍在徇眾要求下跟男神相擁。