失業港女極致慳家法曝光！稱剃光頭戴假髮可節省5大開支？網民質疑：未必真係慳到

港女失業後極度節儉 為慳5大開支剃光頭

有港人於Facebook群組「裁員炒人消息關注組」發帖，分享一名女性朋友的近況，表示對方失業已有一段時間，生活上變得相當節儉。最近，樓主得知對方特意到深圳購買假髮，更將原有頭髮全部剃掉，令他感到相當意外。

當樓主追問原因時，朋友解釋此舉是為了節省洗頭水、護髮素、染髮、護理療程，以及定期到髮型屋剪髮等開支。他坦言，聽到對方的說法後感到有點心酸，但細想之下又覺得確實能節省不少日常支出，因此將事件分享到網上，引來大批網民討論。

網民驚訝兼質疑：又要靚又話慳？

帖文曝光後，不少網民對事件感到震驚，直言聞所未聞，留言表示「居然有呢種人」、「我一直以為自己已經好慳，原來真係天外有天，人外有人」。

網民留言

+2

點擊圖片放大

不過亦有人對事件真實性存疑，認為做法並不合理，「不太可信，係咪呃你？」更有網友猜測事主剃光頭未必與慳錢有關，懷疑可能涉及健康因素，「係咪因為有病先無晒頭髮」、「會唔會了解佢身體健康情況？」

部分網民認同 直言香港整頭髮「真係貴」

雖然不少人對做法感到意外，但亦有網民認同髮型相關開支確實不便宜，直言「香港整頭髮真係貴到PK」。亦有網民表示失去收入後，才發現整理頭髮原來是一筆不小的支出，尤其是染髮、護理療程及定期修剪頭髮等服務，因此某程度上能理解事主的做法。

假髮同樣要成本 網民：未必真係慳到

不過，更多網民指出假髮本身亦需要花費，質疑剃光頭再戴假髮是否真的能節省開支，「假髮都可以好貴」、「光頭都有頭油，都係需要洗頭架」。此外，假髮亦需要定期清潔及保養，不但容易打結，更要購買專用清潔用品，甚至留言質疑「有錢買假髮冇錢買洗頭水有少少背道而馳」。

網民留言

• 剃咗駛乜帶假髮呢？
• 假髮都可以好貴
• 假髮唔使錢？
• 清潔假髮都要專用清潔劑
• 假髮好易打結
• 就算戴假髮個假髮都要洗㗎
• 光頭都有頭油，都係需要洗頭架喎
• 有錢買假髮冇錢買洗頭水有少少背道而馳

網民教路另類慳錢方法 笑言「直接出家」

留言中，不少網民分享更具成本效益的做法，認為其實毋須購買假髮，「假髮都可以唔使買，慳返」、「平平地買幾條頭巾咪得囉」；另外，有網民提議自行修剪頭髮，或到內地進行簡單修剪，「大陸單剪20蚊之嘛」，認為理髮未必需要花費太多金錢。更有網民以開玩笑方式表示：「直接做和尚，仲好搵」、「直接出家，仲慳」。

網民建議

• 我覺得假髮都可以唔使買，慳返
• 唔使搞成咁丫，學我自己剪頭髮咪得
• 家中洗頭後去單剪，會慳錢些
• 平平地買幾條頭巾咪得囉，我公司有人係咁 （佢係癌症病人）
• 可以直接做和尚，仲好搵
• 直接出家，仲慳

來源：Facebook@裁員炒人消息關注組