非份之罪丨游嘉欣一集喊足4場頂極大壓力接演 朱敏瀚親吻嘴戲被讚：勁有初戀Feel！

游嘉欣：一喺其他人面前啲眼淚就會收番埋

由於《非份》於三年前拍攝，對於當時仍是新人的游游來說，絕對是極大考驗。游游坦言，故接到劇本後深感壓力，只能事前不斷練習，更試過因崩潰爆喊失眠，游游：「嗰陣時喊戲對我嚟講其實好大壓力，因為呢套劇之前我一路都好難喺其他人面前喊，就算自己試嗰陣係成功，一喺人面前啲眼淚就會收番埋，就算我自己試嗰時係成功都好，可能同我本身性格都有啲關係。」

+2

點擊圖片放大

+2

點擊圖片放大

游嘉欣一集喊足4場

她又指「所以收到劇本嗰陣，見到有咁多情感戲都好擔心，除咗自己不斷試，仲會諗吓點樣令每場喊戲都有d唔同；當然而家睇番仲有好多不足，不過我會繼續努力改善同進步。」游游續指拍攝期間曾因在家練習時崩潰爆喊以致失眠，足證相當努力。

她又笑言《非份》令她喊戲開竅：「拍順咗之後就好似揾到自己個喊點，而家變咗冇咁驚喊戲，甚至有啲enjoy，因為可以盡情釋放情緒。所以都好多謝監製Amy姐畀呢個挑戰我，等我有機會試吓突破自己。」

孖朱敏瀚親嘴勁有初戀Feel

身為單元主角的游游，除了喊戲、與朱敏瀚（朱仔）的感情及親嘴戲亦是焦點所在。昨晚游游與朱仔有多場拖手及深情對望戲，其中一幕蜻蜓點水式咀嘴戲更勁有初戀Feel！由於碰巧上周五的《飛常日誌II》大結局中，朱仔有孭著游游的戲碼，網民笑言2人在《非份》中的感情戲是極好的「再續前緣」，游游亦笑言睇番與朱仔的親嘴戲，自己亦覺得很浪漫。