非份之罪丨戴祖儀擸摺櫈兜頭狂拍曾展望 恍如MMA現場導演親證真打讚專業
TVB新劇《非份之罪》昨晚（1日）嘉儀（游嘉欣飾）不欲家姐死得不明不白，遂在YY（朱敏瀚飾）幫忙下追查真兇，終憑嘉嵐（戴祖儀飾）死前入住的賓館CCTV，查出阿Ken（曾展望飾）確曾和嘉嵐發生打鬥，推測阿Ken謀財害命…後經警方深入調查，阿Ken並非真兇，此時新人物James（徐文浩飾）登場，無論身高及衣著都與真兇特徵脗合…
戴祖儀擸摺櫈兜頭狂拍曾展望
第三集曾展望（GM）與戴祖儀（Joey）的爭執回憶場口，Joey為了搶回被GM偷去的錢，「女力士」上身狂搲GM頭髮之餘、仲擸摺櫈向著GM頭部及心口起勢「拍蚊咁拍」，其中一吓Joey更因疑似用力過度、一度站不穩，場面望落相當「刺激」逼真，劇情拍攝功力應記一功！
恍如MMA現場 導演親證真打
單元導演阿堅受訪時透露，GM和戴祖儀恍如MMA打鬥的動作設計，是經由武術指導在安全顧慮下設計及安排，才有如此逼真效果，功不可沒的同時，兩位演員的表現亦絕對專業和有水準：「有啲位會係借位拍嘅，但當中的確有真打部份，當然武指有幫佢哋做足墊pad呢啲保護措施，但全部腳踢同推撞戲佢哋都係真做，都拍咗好多個take同埋角度，兩位演員同埋所有台前幕後都辛苦了。」
港生活人氣娛樂新聞
【新手爸媽必睇✨】實測 N 款人氣 BB 用品！話您知邊款先係高CP值
↓【勁送海洋公園水上樂園門票💦】↓
一步登記拎飛～玩盡日夜Beat The Summer！
搵好去處