MC張天賦體脂減6%腰圍減兩吋 自評「今日先搵到真正嘅MC」

尾場無保留全面釋放！MC張天賦自評更輕鬆

MC張天賦受訪時直言：「今次真係好開心好開心，今朝化妝換衫嘅時候已經好開心，因為知道自己唔需要留力，可以真係用盡所能。」他自評尾場表現：「今日嘅表現係輕鬆好多好多，我覺得今日先搵到真正嘅MC。前面幾場係有留力，但對比上次經驗，今次整體覺得自己處理更好。」

地獄式修身狂減15磅！體脂大跌6%

MC透露為了今次演出努力修身，體脂減了6%，內臟脂肪由7減至4，腰圍由32吋減至29、30吋，共減去約15磅。問他是不是瘦到褲子鈕扣也因此變鬆：「真係唔關事，粒鈕扣得唔實所以有啲鬆。」

下輪個唱期望突破五場 坦言想越多越好

被問日後再開應該不止五場咁少，他笑言「睇公司安排」，雖然想越多場數越好，但也要兼顧身體及聲音狀態：「而家理解到自己身體，未夠好啦我覺得，可以更好。但聲音方面對比上次已經控制得好多，希望下次能挑戰超過五場。」

強忍淚水：最後一首歌唔可以失禮

問到他最後是不是感動強忍淚水，他直言：「因為始終係最後一首歌，壓力釋放晒，但我忽然諗起自己係一個歌手，最後一首歌唔可以失禮，所以盡能力忍住。」他又感謝歌迷一路以來的支持，期望將來有更多機會再踏紅館舞台，帶來更精彩的演出。

點擊圖片放大