鄭秀文啟德答謝會｜尾場感恩灑淚唱《上帝早已預備》！黃子華自彈自唱新版《終身美麗》
樂壇天后鄭秀文（Sammi）一連三場《You & Mi 鄭秀文演唱會2026亞洲巡迴終點站－香港啟德主場館》 「 答謝會」已圓滿落幕，「答謝會」尾場壓軸嘉賓為「歡哥」黃子華，同時VIP區星光熠熠，老闆林建岳博士、《夜王》導演吳煒倫、「Ace」何啟華、「葵芳」蔡蕙琪、「煲煲」楊偲泳、「結衣」麗英、「MiMi」廖子瑜和「太子峰」盧鎮業，還有溫碧霞和馬天佑都前來捧場。
鄭秀文尾場感恩灑淚唱《上帝早已預備》
尾場Sammi繼續盡力演出，以多款全新造型亮相。期間播出電影《夜王》片段後，她穿上漂亮的白色長裙出場演唱新歌《隕石與地球》。她表示以新歌比喻戲中「V姐」與「歡哥」的愛情，說：「歡哥對V姐無條件嘅愛，兩脅插刀，有事即刻衝出嚟救駕，令我好感動。唔知今晚V姐有急難，歡哥嚟到會係點呢？」黃子華升上台，全場尖叫！
子華表示沒什麼表演，只想發表感想，說：「Sammi，我覺得依家香港最威係你，大家知道以前喺香港最威水，就係紅館開演唱會，依家最威水喺啟德開演唱會。但你有資格同大家講，喺啟德開演唱會算係乜，喺啟德開過答謝會呀！」更搞笑率領全場承諾「我哋一定唔會淋紅油」！
黃子華自彈自唱新版《終身美麗》
以往子華棟篤笑傳統被觀眾嗌「回水」，今次他反叫觀眾「回水」。他說：「大家睇吓張飛寫乜，冇違反商品說明條例㗎！You & Mi，有你哋（觀眾）又有Mi（Sammi），前兩日佢仲有劉德華坐車巡迴繞場一圈。每人畀返一半，$1880，好 $880現金掟上嚟！」全場爆笑。子華爆料指Sammi對金錢沒有概念，她拍戲萬歲請食雪糕，索性租一個雪櫃，百人劇組每日任食，毫不吝嗇。認為她好心有好報，值得大家愛戴。
已「金盆𠺘口」的子華，昨晚為Sammi大開金口，表演長達17分鐘的棟篤笑，並以結他自彈自唱二創《終身美麗》。「愛有千斤重 重過羅湖的鐵路 你那手指再笨拙再粗 穿窿褲被你修補」，全場大笑，而最後一句「在他們的眼內 你係最矜貴」，氹得Sammi好開心。Sammi感激子華義不容辭，說：「我真係好多謝子華，拍完大通宵，眼又生瘡，我真係好感動，為我攪盡腦汁度咁多嘢，呢個拍檔真係唔話得，子華係我在公在私都好欣賞嘅人。」
Encore環節，Sammi穿上她最敬重嘅造型師Tomas Chan設計的長長拖尾服裝出場演唱《終身美麗》，唱到最後她脫去披肩，以最簡潔的背心短褲造型，唱：「因有自信 所以美麗 使我自卑都放低 在半空之中親你 不管身世」，為一連三場「答謝會」劃上完美句號。
港生活人氣娛樂新聞
↓【香港貓迷博覽會2026🐱】大派300張門票！✨↓
一連3日！帶埋主子入場
↓【勁送海洋公園水上樂園門票💦】↓
一步登記拎飛～玩盡日夜Beat The Summer！
U GO 本週好去處
