非份之罪丨單元結局劇透陳煒意外懷孕真相！殺人兇手終極揭盅曝驚天大反轉？
《非份之罪》昨晚（14日）劇情可謂高潮迭起，除驚揭悅萍（陳煒飾）因一次意外、懷有阿智（徐榮飾）骨肉，還揭出「機心萍」利用腹中塊肉「離間」阿智及淑嫻（盧宛茵飾）兩母子之餘，還「要脅」阿智將淑嫻趕出大屋…
陳煒意外懷孕
另邊廂，因為悅萍在聰B靈堂上說漏了嘴，被警方發現講大話兼對其展開調查，發現疑點重重，悅萍與阿智最終被帶返警署協助調查，阿智錄口供期間突然發狂引發混亂並被送往醫院，經過一輪擾攘，阿智突然爆出一句：「我老婆冇殺聰B，聰B係我殺嘅」，為今晚（15日）播出的單元大結局迎來極緊張序幕。
徐榮20秒「撼頭埋枱」戲
昨晚焦點場口，絕對是徐榮的「20秒」瘋狂「撼頭埋枱」戲！劇情講述十分緊張老婆仔的阿智，在與悅萍分享錄口供期間突然情緒崩潰，他先是連環6度喪嗌「我要搵我老婆」，更邊說邊瘋狂拍枱、抓頭髮及再成個頭猛力撼向枱面三次，最終因情緒失控倒地抽搐，場口十分緊湊。
額頭起包3年未消退
談到相關場口，徐榮受訪時驚爆拍攝時由於過份投入，結果弄至額頭起了一個「包包」，更甚的是，該「包包」相隔三年後依然「健在」，足見徐榮拍攝時肉緊程度：「原本我係預計用雙手墊住心口，度好晒位係啱啱掂到隻手個頭就上返嚟，但可能拍嗰時激動得滯，就用咗力撞落去。以我記得，當時劇組有用一塊冧啲嘅木扮枱，我都唔記得自己最後係撞向冧嘅枱定真嘅枱，總之拍完後個頭就腫咗」
徐榮談與煒哥拍床戲零忌諱：當然對眼唔可以亂咁望
問到相隔三年額頭仍留有「包包」曾否求醫，徐榮坦承「有照過」，並謂：「醫生好似話係骨頭嘅增生。」除了撼枱戲，徐榮昨晚還有一場與煒哥的激烈嘴戲及床戲，談到床戲，徐榮「冇乜忌諱」，皆因與煒哥互相信任：「當然我對眼唔可以亂咁望，要好正經，只可以望住對方個樣。」
港生活人氣娛樂新聞
↓ 【U Jetso🎁】免費荷花夏季BB展2026電子門票🍼 ↓
↓ 爸媽掃貨大好時機✨熱門嬰幼兒用品及優惠低至1折🛍️ ↓
↓【限時搶⚡】莓果櫻花味軟糖↓
↓柔軟Q彈、補充營養↓
U GO 本週好去處
