無返周柏豪咁上下靚仔既，真係唔好整All Back頭

文：高教授

「哥哥仔，想點剪呀？」

「幫我剪個 All Back 頭，要好似周柏豪咁既」

越來越多客人走進髮型屋說要剪 All Back 的髮型，穿著黑底白字 T-shirt 的偽韓 MK 仔、瘦骨伶仃的大學生、剛下班西裝骨骨的白領、甚至中年發福的阿叔。個個剪了 All Back 頭走到街上，自以為就是型男，但他們從來沒有考慮過，自己是否適合 All Back。

「搞掂！你睇吓咁剪Ｏ唔ＯＫ」

「ＯＫ，剪得幾型呀」

幫他剪了這個「一街都係」的 All Back 頭後，他似乎很滿意。看著他那條高聳入雲的髮線、李嘉誠的額頭，加上扁平的輪廓，有時真的忍不住笑。型？如果你有周柏豪咁上下靚仔既話，咁咪型囉！

近年，All Back 髮型的確有點氾濫。人人都想學周柏豪，但卻沒想過在學人家之前，要先看看自己有沒有人家的臉和身型。不是每個人都像周柏豪，或者最近爆紅的台灣人氣演員王大陸這樣 carry 到 All Back 的髮型。每個人的輪廓、面型各有不同，不能因為潮流興就一窩瘋的去剪同一個髮型。

明知自己額頭高，都硬要 All Back，以為自己是比比鳥，最後卻變成了壽星公，畫虎不成反類犬。有時穿起西裝想學碧咸 gel 個西裝頭，殊不知 gel 得太貼變了賭神頭，真的是「不如一槍打死我」。

Carry 到 All Back 的男士，就算拍衛生巾廣告都是型的。Carry 不到的話，我情願你留返個蔭出來，飛輪海頭又好，棒棒堂頭又好，都敏俊頭又好。如果你比較適合這類髮型，就不要堅持跟風，學人兩邊剷青、中間 All Back，因為無論你髮型點整都好，個樣永遠係最誠實的。

引用周星馳在《算死草》裡的一句台詞：「髮型呢家野，係要襯㗎」

本篇圖文獲作者高教授授權刊登，未經准許，請勿轉載！

高教授Facebook：https://www.facebook.com/professor.ko/