買樓定租樓？月入4萬港男寧租唔供：供樓失去人生！網民反應兩極！買樓困住自己 VS 租金蝕晒

港男月入4萬仍決定租樓：供樓失去人生

近日連登討論區上，一名港男以「好多年輕人都已經唔會將買樓，放入人生清單入面」為題發文，表示早前與一班朋友聊天，眾人月入約3.5萬至6萬元，但一致認為買樓已不是人生必須目標。

他認為，租樓毋須承擔長年供款壓力，亦可因應工作或生活需要隨時搬遷，把積蓄用於投資、旅遊及增廣見聞，生活更具彈性，更直言「供樓失去人生」。

樓主其後在留言補充，自己月薪約4萬元，目前與家人同住，每月可儲蓄約2.5萬元，估計3年可儲得約90萬元，已足夠支付不少住宅單位首期。不過，他坦言即使有能力上車，亦不打算置業，認為租樓彈性較高，而供樓則容易限制人生規劃，因此沒有把買樓列入人生目標。

樓市失去吸引力？支持派：租樓更自由

不少網民認同樓主看法，認為現時樓市投資價值已大不如前，直言「買香港樓正傻仔，高價接火棒」、「買樓十年跌足十年，你就後悔點解買」、「支持租一世樓」。

亦有網民指出，若父母已留有物業，或本身沒有生育計劃，未必有置業需要，租樓反而可保留流動性，更方便日後移居外地或到大灣區、東南亞及日本等地生活，直言「個個都努力儲錢離開，仲買樓困住自己做乜」。另有留言認為，在AI發展、外勞增加及就業環境變化，保留現金比背負長期按揭更重要。

網民留言

• 支持租一世樓
• 佢地父母已經留左層樓俾佢，點解仲要買
• 買香港樓正傻仔，高價接火棒
• 香港租到退休，退休返大灣區養老先係新方向
• 買樓十年跌足十年，你就後悔點解買
• 唔好話年輕人，我中年人都係咁話，樓市又唔係升得快又唔係有潛力，把鬼
• 買樓就肯定無左個本，你咁肯定樓價會升？
• 當你要處理樓上漏水，大維修夾錢果陣，睇睇仲有冇家既感覺
• 個個都努力儲錢目標離開香港，仲買樓困住自己係香港做乜
• 時代唔同左，結婚人數都少左好多，根本冇需要買樓，東南亞日韓旅居仲爽
• 依家又AI，又外勞，又失業潮，有幾多人要貼錢賣樓？

租樓是替業主供樓？反對派：租金只會愈來愈貴

不過，亦有不少網民持相反意見，認為買樓未必只是投資，更重要是建立屬於自己的居所及資產，紛紛留言「租始終無家既感覺」、「租返十年，比人加租十年，你就後悔唔早啲鎖定住樓支出」、「租樓啲錢肯定蝕晒，租金多數一定升」。

亦有人認為，供樓總有完成的一天，但租樓卻可能要支付一輩子租金，加上年老後未必容易租屋，言「老左邊個租比你」，因此自住物業仍具有保障作用，亦方便日後將資產留給下一代。

網民留言

+4

+3

點擊圖片放大

來源：連登討論區