非份之罪｜胡敏芝「畸形戀愛腦」誤殺吳偉豪！癡迷演技嚇窒攝影師︰條女真係好癲
TVB劇集《非份之罪》昨晚（22 日）《危險遊戲》單元播出大結局，劇情驚揭 Jarvis（吳偉豪飾）的死原來只是一場「多重錯誤疊加」的悲劇，緣清姐（羅冠蘭飾）臨門一刻因良心發現，未有將有毒氣體放入 Jarvis 背囊；但可惜人算不如天算，Wendy（胡敏芝飾）此時突然萌生整蠱 Jarvis 以獲取讚賞及關注的念頭，最終有毒氣體再次「落回」Jarvis 手中，導致悲劇發生！
胡敏芝「畸形戀愛腦」誤殺吳偉豪
昨晚焦點人物，絕對是一生充滿悲劇色彩的狂迷 Wendy，因為 Jarvis 的整蠱片曾賜予她希望，Wendy 自此誤入歧途、執迷不悔地盲目「崇拜」Jarvis，即使Jarvis 逼她著暴露泳衣、逼她大住肚跳彈床、呼喝她又講大話欺騙她，Wendy 都可以「濾鏡」美化 Jarvis 所有行為，最後更因想將 Jarvis「整蠱藝術」發揚光大慘死於鏡頭面前，著實唏噓。
Karen昨晚最精彩兩幕，絕對是在殯儀館向江嘉敏發表走火入魔言論，以及得悉被 Jarvis 講大話欺騙後，高興得瘋狂大笑的癲喪行為，連篇的歪理，加上 Karen 雙眼發光的失心瘋演繹，著實讓人心寒。
癡迷演技嚇窒攝影師︰條女真係好癲
談到新劇角色癲得徹底，Karen受訪時坦言自己一度癲到嚇親幕後：「其實睇劇本時都覺得呢個角色真係好癲，因為拍嘅時候係三年前，當時都係我第一次 Handle 咁癲同咁多情感起伏嘅角色，我記得嗰陣拍到好激動嘅時候，啲 Camman 都猛話『呢條女真係好癲』。」
港生活人氣娛樂新聞
↓【✨送您Poled HK消毒機/涼感墊✨】↓
>簡單登記領取<
↓【限時搶⚡】雙效抗敏牙膏↓
↓減輕酸軟不適、減少牙齦出血↓
U GO 本週好去處
