網民嚴選10大最親民友善明星！私下真面目曝光 童年男神獲一致激讚「抵佢紅咁耐」
近日有網民在Threads平台召集網民分享生活當中遇到友善明星的經歷，引來不少人留言分享自己親身經驗，當中許多意想不到的知名藝人都被網民「點名」大讚，除了金像影帝一行為超級加分外，一位童年男神更被封為神級學習榜樣，引起網民熱烈討論。
網民嚴選10大最友善藝人｜黃秋生
有網民透露自己小時候在一間酒店吃自助餐時偶遇黃秋生，指黃秋生看到小朋們不夠力盛冰淇淋時，便主動幫全部小朋友盛好冰淇淋，不少網民亦認同黃秋生非常友善，表示其只是面惡心慈，大讚黃秋生既有修養又親民。
原文︰
「細個既時候去怡東酒店食自助餐見到黃秋生 佢勁好人 行過見到小朋友畢雪糕唔夠力 佢幫晒幾個小朋友畢」
「當年喺時代廣場附近間California Fitness撞到秋生哥做緊Gym玩跑步機」
網民嚴選10大最友善藝人｜ERROR 梁業（肥仔）
Error成員梁業（肥仔）亦被網民大讚友善，有人分享自己曾吃自助餐時碰到肥仔，詢問對方可否合照時，因肥仔手上拿著太多食物，其禮貌表示「依家唔方便喎」，後來肥仔放下食物後更主動找回該名網民合照，非常親切表示「係咪影相呀 依家可以啦」。
原文︰
「遇過Error 肥仔 喺自助山食buffet 問佢可唔可以影相 佢話依家唔方便喎（手上攞住食物） 1分鐘行埋我個位度 係咪影相呀 依家可以啦 超nice」
「肥仔試過成田返黎佢同成班frd係我前面， 不過我自己就無搵佢影但見有他人問佢佢都好nice 同人影相」
網民嚴選10大最友善藝人｜鄭伊健
鄭伊健亦獲網民提名，不少網民表示偶遇鄭伊健時，只要和對方有眼神接觸，鄭伊健便會主動上前點頭打招呼，笑言「佢打招呼仲快過你」，大讚其親切的行為，認為鄭伊健友善謙虛的態度是藝人學習的好榜樣，更加直言「抵佢紅咁耐」！
原文︰
「遇過鄭伊健夫婦 食魚蛋粉 冇要求合照 但係只要同佢有眼神接觸 佢打招呼仲快過你」
「鄭伊健真係！！對到眼然後佢主動同我打招呼」
「我媽仲要同佢講：好開心呀見到你 佢即刻點幾下頭 講幾聲多謝 nice到藝人其實都普通人 有啲做到咁大牌都唔知為乜 伊健呢啲真係好榜樣」
網民嚴選10大最友善藝人｜劉嘉玲
有網民分享在工作場合遇到劉嘉玲的經歷，指其即使身為VIP，仍非常願意配合安排坐在入口大廳靜靜等待，同時與路人微笑點頭打招呼，大讚劉嘉玲非常有耐性，亦沒有明星架子，相當平易近人，不會令人產生不舒服的感覺。
原文︰
「劉嘉玲 工作場合 輕微接觸過 我以為 大明星嘅自我保護距離感會好大出乎意外地 佢非常平易近人 唔會令你唔舒服 而且幾可愛」
「劉嘉玲係我遇過最無架子最爽快嘅知名藝人👍🏼 明明係vip,唔介意坐喺入口大廳等…唔介意人人入門口個個驚訝嘅目光…唔介意向每個帶有奇異眼神嘅人微笑點頭…最勁係完全無難為過我哋現場所有small potato🥹 超有耐性👏🏼👏🏼👏🏼」
網民嚴選10大最友善藝人｜李天翔
有網民分享李天翔到店購物的經歷，指其雖然成日演出奸角，不過真人非常有禮貌，臨近收工時間亦會買飲料慰勞店員，回家後亦特意拍產品照片給店員，大讚李天翔戲裹戲外極大反差，既友善又親切！
原文︰
「終於俾我碌到呢啲post 我想講李天翔超nice，就咁講個名你可能唔知邊個，但見到個樣一定知！ 佢黎我哋度買嘢，雖然成日演奸角，但真人超大反差，好有禮貌，講嘢陰聲細氣又型仔😭 有次佢驚阻我收工過黎仲買嘢請我飲。 不過最impressive都係佢自費買完我哋啲product之後我隨口講咗句：如果可以回返圖俾我哋出post就好了🥹 當時都係諗住講完就算因為我都明白artist可能有其他sponsor之類唔方便。 點知隔幾日就收到好多佢專登影嘅相send返俾我😭真係好感動！ 佢值得被更多人認識！！🙌🏻」
網民嚴選10大最友善藝人｜陳啟泰
一名自稱是送貨員的網民，分享有次平日如常送貨時，開門時才發現收貨人是陳啟泰，正當該名網民開口詢問是否陳啟泰本人時，陳啟泰馬上承認身份，更友善地與其閒聊，最後有禮貌地說再見，非常有教養和有禮。
原文︰
「小弟對上嘅一份工，做速遞，喺某一日收到某單嘢直頭送上門去陳啟泰屋企，仲要係我事前唔知嗰個係佢嚟🤣🤣🤣🤣🤣 結果嗰日我好如常咁送貨上去，收貨嗰位仁兄一打開門，一個高大而又我童年見過嘅輪廓出現咗喺我面前，之後我下意識第一句問佢：請問你係咪…… 跟住我未問完，佢已經答：係！ 之後我同佢閒聊咗幾句：最後大家仲揸個爬～佢亦都禮貌地表示謝意，亦都係我返工做過最特別嘅客」
網民嚴選10大最友善藝人｜任達華
金像影帝任達華亦被不少網民點名大讚，除了早前網民分享獲任達華請客外，有人指曾在讀書時期做活動幫手時遇到任達華，不單高大有型，更主動與其打招呼非常親切，亦願意為眾人簽名，完全沒有明星架子，獲封為親民天花板！
原文︰
「任達華真係勁nice 讀書時某屆世界盃去左幫有線做helper ， 喺會場見到任達華， 我望住佢， 佢見到我望， 主動行埋嚟say hi 同埋問我地「好唔好玩呀？」 最後我問佢攞簽名， 但我冇紙喺身， 佢喺我手上面簽， 仲笑住話「唔好洗手呀」 救命呀！ 佢真係零架子，超好禮貌， 又高大有型😎」
網民嚴選10大最友善藝人｜徐濠縈
陳奕迅老婆徐濠縈亦被網民大讚親切，有網民指中學時期曾參加徐濠縈舉辦明星二手衫市集，不單與一眾同學仔閒聊，更出於好心提醒「唔好哂錢買」，認為徐濠縈只是氣場太大，實質非常平易近人。
原文︰
「徐濠縈，好cool但人好好 講緊係廿幾年前，佢搞明星二手衫，我地成班學生去睇Sammi D衫，同我地傾計，叫我地唔好哂錢買（出於好心）」
網民嚴選10大最友善藝人｜楊千嬅
有網民分享出席片公司高層婚宴偶遇楊千嬅的經歷，當時一眾當紅歌手和新人與高層打完招呼後就離開，只有楊千嬅和其老公丁子高全程出席，即使肚餓仍和眾人完成合照後才開餐，非常敬業又愛錫粉絲，令人尊敬。
原文︰
「真人真事，係因為某個唱片公司高層嘅婚宴，當時楊千嬅同其他幾個紅歌星都有嚟，其他紅歌星同新人打完招呼坐一陣，未開席就走哂，反而楊千嬅同佢老公由頭坐到尾，當時應該有幾十人排隊同佢影相，睇得出佢係好想食嘢，但都堅持影晒相先食，呢啲係真人真事😍😍」
網民嚴選10大最友善藝人｜滕麗明
滕麗明亦被網民大讚友善，有網民分享兒時在郵輪偶遇滕麗明的經歷，指當時自己不夠高坐上高凳非常無助，這時正與好友聊天的滕麗明就突然轉身將自己抱上高凳，展現出熱愛小朋友的表現，非常有愛心！
原文︰
「滕麗明好nice，細個上郵輪玩，我響佢後面上坐上去啲高凳（當時大約6歲，唔夠高。而當時我離開咗父母視線範圍） 佢唔知點解會feel到，本身同緊朋友傾偈，都轉身抱起我坐上張高凳」
來源︰Threads
港生活人氣娛樂新聞
【請您食😋】上海姥姥Rich & Fit二人套餐💚！
↓💡將姥姥經典點心主菜營養健康升級🌿↓
↓【限時搶⚡】李錦記韓式甜辣醬拌麵↓
↓內含真辣椒及蒜粒｜麵質爽滑↓
U GO 本週好去處
