詐騙新招！港人收「香港迪士尼門票」確認信！誤以為陌生人填錯Email？網民教5招分真假：睇實信用卡

突收7張迪士尼門票確認信 港人誤以為陌生人填錯Email

有港人於Threads發文表示：「有冇姓潘嘅仁兄今日下午2:08經Klook買咗七張香港迪士尼門票，大佬你填錯咗電郵send咗去我Email度」，並附上一張電郵截圖。

點擊圖片放大

從截圖可見，樓主收到一封疑似由Klook發出的「香港迪士尼樂園門票」確認信，內容顯示「預訂已確認」，除了列出預訂編號、入園日期外，更顯示一次過購買7張門票，總金額為$2,836.84。由於內容相當真實，樓主起初亦一度以為只是有陌生人輸入錯誤電郵地址，因此特意發文提醒對方。

不少網民稱收過同款電郵 懷疑屬大規模釣魚詐騙

帖文曝光後，不少網民留言表示自己亦曾收到相同內容的電郵，懷疑並非個別事件，而是騙徒大規模發送釣魚郵件。

網民分享類似經歷

• 收到嘅時候我都嚇一嚇，即刻去個App度check下
• 我都收到一模一樣嘅電郵
• 騙子...我屋企人都收到，問一下我有無買到
• 我都收到呀！佢咁冇誠意，唔買多幾單呃人
• 我今日都收到攜程booking confirmation email，R晒頭

網民驚嘆手法逼真 樓主揭真正目的係...

不少人認為今次釣魚電郵設計得相當逼真，容易令人誤以為真有其事，更驚呼：「嘩，好驚啊！騙徒嘅手法層出不窮啊。」樓主其後亦回覆留言表示：「原來依家啲騙局咁高超。」他更透露，自己曾按進電郵內的取消（Cancel）連結查看，發現內容可疑，因此推測：「我估應該係想偷信用卡資料。」

網民點出多個破綻 提醒勿亂按電郵連結

不少網民亦認同，騙徒真正目的相信是誘導收件人進入偽冒網站，再騙取登入或付款資料。有眼利網民指出，電郵雖然包裝得似模似樣，但其實存在不少破綻，例如電郵內的連結很可能屬釣魚網站，甚至可能轉跳至要求輸入信用卡資料的頁面，直言「入面啲link可能有毒／釣魚，又可能會redirect你去入信用卡資料」，亦有人批評：「完全唔需要對資料，錯漏百出，真係睇到都覺得蠢」。

釣魚電郵錯漏百出 網民歸納5招辨別真假

面對愈來愈逼真的釣魚電郵，不少網民總結出多個辨別真假的方法，並指出今次偽冒Klook訂單確認信其實漏洞百出，只要細心留意，便不難識破。若收到來歷不明的訂單或付款通知，切勿急於點擊連結，應先核實資料真偽，以免墮入騙局。

1.留意網域名稱（Domain）
收到任何要求點擊連結的電郵，第一步應先檢查網址網域是否屬官方網站。今次偽冒電郵的連結使用「klookagh.com」，與Klook官方網域明顯不同，極有可能屬釣魚網站。網民提醒：「睇domain，klookagh極大機會係釣魚詐騙，唔好填資料、唔好登入。」亦有人表示：「條link係klookagh，Click落去可能已經有毒。」

2.檢查寄件人電郵地址
除了網址外，寄件人地址亦是重要線索。網民提醒，每次收到可疑電郵都應點開查看完整寄件人地址，如出現一長串毫無規律的英文字母及符號，便很大機會是假冒電郵，「收到要每次撳入去睇佢個寄件人email，嗰啲水蛇春咁長嘅名肯定毒link嚟。」

3.留意金額計算是否合理
有眼利網民發現，偽冒電郵內的門票數量與總金額根本對不上。例如信中列出的金額「1647＋878＋878」合共應為$3,403，但電郵卻顯示另一個總額，明顯出現算術錯誤。有網民笑言：「可唔可以認真少少？」、「數學係體育老師教。」

4.比對最新門票價格
騙徒亦未有更新最新票價資料。有網民指出，現時7至8月香港迪士尼成人門票售價已達700多元，電郵仍顯示549元，明顯採用了過時價格，因此一眼便可識破。「549都唔知幾耐之前！」

5.留意訂單編號是否合理
不少網民亦發現，偽冒電郵的訂單編號竟直接使用當日日期作編排，與一般電商平台隨機生成訂單編號的做法並不相符，笑言：「一日咁多人買飛，咪勁多人同一個編號？」

來源：Threads