非份之罪大結局｜驚天大反轉兇手竟是她！公仔藏人頭極震撼 網民跪求續集
TVB熱播劇集《非份之罪》昨晚播出最終單元《恐怖情人》大結局！亮點絕對是女主角劉佩玥（阿 Moon）長達 20 分鐘的崩潰控訴戲碼！經過反轉再反轉，昨晚（7 月 31 日）驚揭殺死靈媒 Sylvia（余思霆飾）及網紅 Liz（何沛珈飾）的真兇，竟是外表溫柔嫻淑的 Angie（劉佩玥飾）。
大結局再現驚天反轉
劇情講到事緣 Angle 因為設局陷害 Davis 媽咪（黎燕珊飾），反露出破綻引發 Davis 懷疑！為了引爆 Angie 真面目，Davis 特意在親熱時叫錯舊愛 Sylvia 名字，成功令 Angie 嬲到眼凸兼成個彈起，失控爆喊的 Angie，怒摑 Davis 的同時，還不斷歇斯底里喪鬧兼刀指 Davis，情緒既反覆又激動。
「恐怖情人」童養媳真正身份是劉佩玥
混亂間，Angie 意外刺中家中毛公仔，結果掉出 Sylvia 人頭，大受衝擊的 Davis 嚇到即時作嘔！昨晚結尾，亦憑藉一個心口上的胎痣，揭出了童養媳的真正身份是 Angie，《恐怖情人》單元正式淒美落幕。
網民激讚係近年 TVB 懸疑劇世一 跪求監製編劇添食！
對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製 Amy 姐與編劇能添食再拍第 2 季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All 編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年 TVB 懸疑劇世一」、「今晚呢集絕對配得上全劇大結局。」
港生活人氣娛樂新聞
↓【限時搶⚡】高露潔光感白高純度維他命C美白牙膏↓
↓ 早C晚C！7天提亮、淡色美白 ↓
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
