古天樂演唱會｜古天樂首踏紅館特訓賣萌花絮流出！昔日經典合唱歌驚爆未必唱

古天樂開騷當自己新人 為練氣做運動做到爆晒汗

古老闆笑言開「紅館騷」會以「新人」心態去面對：「我當自己新人去試去學，總之未做嘅嘢我都想試一次。」古老闆亦坦言現時跟隨一位朋友去做運動練氣，全心投入為演唱會作準備：「唔係操唔操肌問題，肌肉越發達舞台動作唔會咁靈活，佢（朋友）反而教我一啲運動，唔使太用到身上肌肉，我做咗一粒鐘爆晒汗，做咗一日啲肌肉係痛。」

古老闆演唱會拍攝幕後花絮曝光

節目中還加插古老闆為演唱會拍攝時「賣萌」花絮片段，「伸脷」、「扭耳仔」、「派心 pose」等應有盡有。

+3

+2

點擊圖片放大

孖農夫合作《天下一家》首度挑戰 Rap 坦言「幾難」

出道至今，古老闆至少推出 5 至 6 張唱片專輯，多以快歌為主。而在今年推出的多首新歌中，其中一首就是與組合農夫（陸永、C 君）合作的快歌《天下一家》，歌曲融入大量 Hip Hop 及 Rap 的元素，古老闆首次挑戰唱 Rap 都坦言不容易：「幾難唱。」

古老闆還自爆私下聽歌喜好：「我自己私人時間一首慢歌都唔會聽。」至於談到演唱會歌單方面，古老闆過去曾推出多首合唱歌，《萬語千言》、《一眼驚喜》等，均鮮有在公開場合中合唱，古老闆笑言：「有啲歌我可能未必想唱」、「諗吓」，他又透露今年未有計劃推出新專輯，會先專注做好演唱會工作。