夫妻的博弈李海銅角色全解構：突破清純演男仔頭 妝容精心設計刻意畫粗眼眉

突破清純溫婉形象演粗魯男仔頭勁搶 豪邁坐姿展現超強反差萌

之前憑《臥底嬌娃》爆紅的李海銅今次造型搶眼，飾演 Copywriter 阿 Wing的她，全程 boyish 打扮、粗聲粗氣、步姿豪邁之餘，為人亦相當心直口快兼粗魯，昨晚一集更一度嬲到拍枱兼大叫一聲「頂」，完全突破了以往的清純柔弱形象。

李海銅親揭真實性格同樣男仔頭 獲自由度發揮做得爽

談到新劇角色，李海銅受訪時笑言其實自己本身就是男仔頭性格：「其實我本人都好男仔頭，所以呢個角色可能比起我平時温柔斯文嘅角色，更貼近我真實性格」、「監製導演畀咗好大自由度我去設計代入呢個角色，你睇到嘅全部係我入咗戲之後嘅自然反應，好感激監製導演們睇完片之後，都保留咗呢一啲我自己加落去嘅嘢。其實呢個角色我覺得做得幾爽，因為可以攞正牌擘大對腳坐，唔使驚走光，同埋我有刻意壓沉把聲去演，希望更似一個𡃁仔。」

妝容精心設計刻意畫粗眼眉 揭角色背後身室預告敬請期待

「拍到後期，感覺大家好似都真係當咗我係一個小男孩，哈！希望今次觀眾見到同過往不一樣既李海銅會有驚喜。」談到有網民盛讚在劇中刻意零打扮的李海銅、感覺不減漂亮時，李海銅感激大家支持之餘，又親證在妝容上確實也有些小心思：「淡妝之餘，我仲有畫粗咗條眉，同埋冇黐眼睫毛。」李海銅又指阿 Wing 之所以如此男仔頭，其實與其身世有關，並透露之後集數會陸續揭曉，萬勿錯過。