大圍叫「David」、九龍城=攪吾成...200個香港的士術語你識幾多？

文： 廣東話資料館

香港的士術語

的士大家一定搭過，的士司機喺對講機吹水時嘅行內術語，你又識解幾多個呢？

山　　千元
底　　百元
艇　　的士
Ａ貨　８５折
Ｂ貨　８折
ＴＶ　快相
九井　九龍塘
上頂　上山頂
也門　屯門
土魷　土瓜灣
大站　紅磡火車站
大鳥　香港機場
大旗　金額大嘅車程
仇家　唔識嘅的士佬
反艇　冇客上吉車走
扎馬　停車等客
水記　港澳碼頭
加油　開飯〔去食飯〕
台料　乘客
左脾　佐敦
打鑼　銅鑼灣
白鮓　交通警
地籠　荃灣地鐵的士站
字仔　咪錶所跳嘅銀碼
有境　有客
老仇　唔識嘅的士佬
老鼠　迪士尼樂園
行家　識得嘅的士佬
西餅　外國人
作大　沙田富豪花園
低消　最低消費
免場　唔收機場P3嘅16元停車費
沙龍　影快車
呔舖　大埔
咖啡　交通督導員
和記　和合石
妹夫　美孚
定食　講好價嘅全包宴收費
拖九　拖住行里喼嘅客
玩街　加入折頭車隊
金鋪　上水
陀地　長期霸住某啲的士站既的士佬
青椒　青衣
亮燈　過一仟蚊生意
咬飯　行紅隧
紅屋　廸士尼樂園酒店
紅雞　紅的〔市區的士〕
飛雞　空姐
唐餅　中國人
柴房　柴灣
特攻　特更〔開足24個鐘〕
粉果　粉嶺
草蜢　綠的〔新界的士〕
草餅　日本人
馬背　馬鞍山
乾塘　觀塘
堂食　Order有其他司機接咗
帶帽　掛著〔暫停載客〕牌
麻鷹　香港機場
單腳　單程隧道費
幾底　幾多百蚊
幾草　幾多十蚊
幾條　幾多十蚊
棍頭　大陸客
無境　冇客〔冇生意〕
短樁　愉翠苑
著火　做到著火
著燈　過一仟蚊生意
街主　車隊長
街市　機場的士站
街車　外來生面口嘅車
開會　打麻雀
順叔　順利紀律部隊宿舍
禽獸　錦繡花園
艇站　廸士尼的士站
落井　去深井
葡撻　寶達〔秀茂坪寶達邨〕
補呔　大埔
過山　過一仟蚊生意
過艇　藍的或綠的轉紅的出市區
搵仔　灣仔
潛水　過海
窮困　紅磡
踝跑　空車出市區
鞋客　唔滿意嘅客人
鞋廠　香港機鐵站
導彈　洲際酒店
橡根　將軍澳
蕉林　沙田
錢罌　荃灣
薄落　警察嘅Road Block
獵肉　衰或者唔係咁理想嘅
藍屋　荷李活酒店
藍鳥　藍的〔大嶼山的士〕
雙腳　隧道費加收10/15回程
爆偈　車頭損壞
難哽　行紅隧
鹹豆　低過８５折嘅Order
爛鬼　蘭桂芳
冚旗　過海/往接客/暫停載客
石頭　行李
搭棚　超載
冧莊　超載
站鬼　站頭管理員／陀地
油菜　交通意外〔郊外油菜，聽落似交通意外, 最初講交外，講講吓變油菜〕
水櫃　港澳碼頭
軍裝　學生
奶粉　行李
一叮　9折
八両　8折
九両　9折
叮半　85折
定食　定好一個價去目的地(通常衰過85折)
加餸　乘客額外加錢嘅柯打
綁艇　綁起隻艇=泊好架車收工
浸死　排咗好耐隊先得支旗仔
燈一　紅綠燈位前第一部車，最容易有客嘅位置
尾袋　的士站內最尾之車位，專用嚟泊的士
駁咀　乘客要求折頭或講價
節瓜　司機做嘅打折柯打
David　大圍
１２３　開小〔小便〕
４５６　開大〔大便〕
Ｂ仔車　８折的
Ｋ上Ｋ　隔離再隔離拆頭車隊Order
Ｋ柯打　隔離拆頭車隊Order
九粒糖　九龍塘
三號櫃　三號貨櫃碼頭
千足金　按表收費
大手指　沙田第一城
大哥平　大窩坪
大家姐　荃灣地鐵的士站
大酒店　殯儀館
大陸仔　中港碼頭
大量境　多客
大過仔　大角咀
大餐廳　殯儀館
小路寶　對講機
天腳底　天水圍
冬瓜仔　抱住ＢＢ嘅客
奶粉罐　有行李嘅客
交水費　去小便
光頭仔　夜晚冇客著咗頂燈概的士
好艱難　土瓜灣
空手道　冇行李嘅客
咸濕佬　皇室堡
泵心口　折頭
食雪糕　兜路
浩劫灣　灝景灣
起火龍　夜晚的士站有車冇景嘅情形
做大佬　排隊排第一
第八站　九龍塘港鐵站
粗口灣　小西灣
豉油舖　淘大
幾多兩　幾多折
愛人村　愛民村
新蕉林　將軍澳
嘉年華　警察路障
滴滴仔　迪士尼樂園
厲鬼城　麗港城
影沙龍　有警察影快相，抄超速
擔水泥　天水圍
燒烤場　火葬場
餵草區　機場〔近國泰城〕後備候車區
餵蚊區　機場〔近國泰城〕後備候車區
檸檬丸　寧峰苑
雜貨舖　油塘
攪吾成　九龍城
公海線　唔使交入線費嘅路線
空雞籠　吉車冇客
飲涼茶　入非油站供應嘅油渣
白蘭地　油站油
奶粉錢　Call車費
光明頂　落馬洲管制站，的士12-6am先可以入，天光就唔比入，所以叫〔光明頂〕
白頭佬　交通警
和尚仔　日更無客嘅車
揼兩鎚　比客人講價講咗兩折去，即八折
揼心口　司機做嘅打折柯打
揼一搥　9折
揼兩搥　8折
千足金　按錶收費
驚Hi野　君悅酒店
一街光頭　一街吉車
士多啤梨　天星碼頭
白馬王子　交通警
安全大使　行得慢嘅車〔吖住條快線〕
有車無景　車等人
有景無車　有人等車
米奇老鼠　迪士尼樂園
兩支光管　兩千
香隔離喇　香格里拉
青衣隻龜　長亨最高
食飯飲茶　加油
海馬公園　海洋公園
幾多座山　幾多千蚊
搬你架生　問候屋企人
過唔過山　超過一仟蚊生意
機場三寶　廸士尼樂園，深井，青龍頭〔衰〕
隧道廿四　喺隧道內２４小時監控車速
爛賭碼頭　港澳碼頭
Yellow Dog　黃巴站
青衣三條魚　青怡花園
柴灣燒烤場　柴灣墳場
推柯打落海　有Order無司機做，覆返個客無車
換對新鞋仔　換一對新車呔

本篇圖文獲作者廣東話資料館授權刊登，未經准許，請勿轉載！
廣東話資料館 facebook:https://www.facebook.com/廣東話資料館

>> 「M碼」非中碼，「王仔」又是什麼？波鞋街術語大解構