夫妻的博弈｜郭柏妍婚禮變鬧劇瘋狂轉換情緒 從演以來最大挑戰演到崩潰大滿足
TVB劇集《夫妻的博弈》劇情白熱化，昨晚（26日）一集郭柏妍一直在人前扮幸福新娘，但當被黎燕珊踢爆聘請臨時演員扮母親，她既尷尬又憤怒，即時扯火鬧爆黎燕珊：「你有咩資格做我阿媽呀」、「當日你話唔會認我做女，你記唔記得呀」、「你根本嚟搞破壞！」情緒愈來愈激動，更邊鬧邊流淚！
郭柏妍結婚戲瘋狂轉換情緒
郭柏妍接受官方訪問時透露，對於這場婚禮戲印象很深，是她拍劇以來佔最多戲的一場，非常緊張：「呢場戲係我拍過最長、情緒轉換最多嘅一場，仲要我帶動成個節奏，一開始覺得難度好高。不過好開心最後我拍咗一次就已經Feel到個氣氛，好感恩。」
她再補充：「去到後面幸如同我講『多謝你接收阿 Mark 呢件垃圾』，我當時心入面係有啲崩潰，但又唔可以表露，要死頂擺出一個勝利者嘅姿態，我覺得呢個位幾好玩，做完好有滿足感。」
從演以來最大挑戰
郭柏妍大讚劇本出色，為求演活角色，她除了親自寫了「人物小傳」外，更嘗試代入其他角色，來幫助自己入戲。她覺得黎燕珊飾演的淑冰雖然一心利用女兒，但又覺得對方本性未去到最壞：「始終佢以前會畀生活費雪文，等佢中學可以維持到生活。」
郭柏妍為演戲做足功課
郭柏妍特別多謝張頴康與林漪娸：「因為我情緒起伏好大，佢哋喺隔籬一直好照顧我。」她更透露張頴康特意放慢講對白的節奏，好讓她在情感發揮上能更加流暢自如。 這場高潮迭起的婚禮戲播出後，不少網民大讚情節緊張又精彩，指反派演員一個比一個惡心，直斥黎燕珊的角色貪得無厭，難怪女兒會走上歪路。
港生活人氣娛樂新聞
【請您食😋】東海堂秋の名月禮盒🌕！
↓今個中秋帶您沉醉喺麻糬嘅軟糯同流心嘅香濃之間↓
9月開學內容共創大募集 贏走100個遊樂場代幣🎒
U GO 本週好去處
