茶餐廳文化差異︱內地遊客落單要食「老雞」惹怒店員 內地人揭真正含意
香港作為美食之都，茶餐廳與傳統燒味舖向來深受內地遊客歡迎，然而兩地飲食文化與語言習慣的差異，有時難免會在點餐時引發搞笑誤會。曾有港男於Threads發文分享，指在燒味舖目擊有內地遊客落單時要求食「老雞」，遭到店員多番拒絕後更拂袖而去，事件隨即引發網民熱議。不少網民聽後大惑不解，更留言爆笑調侃「想食老雞去砵蘭街搵啦！」，同時亦意外釣出內地飲食習慣的真正答案。
內地遊客香港食燒味要點「老雞」
香港作為美食之都，茶餐廳與傳統燒味舖向來深受遊客歡迎。不過，由於兩地文化及飲食習慣差異，有時點餐溝通難免會擦出「火花」。曾有港男在Threads發文，分享自己在燒味舖目擊的一幕奇觀，引起廣大網民熱烈討論。
聽完店員回應即轉身走
發文者表示，當時他在燒味舖用餐，期間有一班內地遊客入店。其中一名遊客率先問店員：「有冇雞食？」，店員隨即清晰表示店內提供油雞及切雞（白切雞）。怎料該名遊客竟提出罕見要求：「要個老雞！」
店員聽後感到疑惑，再次重申店內「得油雞、切雞」。惟該名遊客並未放棄，反問店員：「點解冇老雞？」這句反問頓時惹怒店員，態度強硬地回覆：「冇就係冇啦，得油雞切雞！」最終這班遊客因未能吃到「老雞」而選擇轉身離開。
網民爆笑留言「要老雞去砵蘭街」
帖子曝光後迅速掀起熱議，不少網民對遊客口中的「老雞」感到十分好奇，紛紛留言猜測：「係咪指滷雞？即係豉油雞？」、「老雞通常攞嚟煲湯，邊有人燒味做老雞㗎？」更有網民搞笑回應：「想食老雞應該要去砵蘭街搵」、「有好嘢切雞唔食，竟然要食老雞」。
同時，亦有網民留言解釋，在內地部分省份的飲食文化中，「老雞」泛指肉質較有咬口、雞味較濃郁的成熟雞隻，一般多用於慢火煲湯或燉煮，與港式燒味舖講求鮮嫩多汁的切雞及油雞截然不同。
網民分享同類文化差異經歷
文化差異引起的點菜誤會屢見不鮮，有網民透露曾在獲小紅書推介的銅鑼灣榮記粉麵用餐，遇到遊客入店詢問老細「有冇飯食」，得知只有粉麵後便離去；亦有網民指遊客到西餐廳點餐時，期望吃到的是花園餐廳款式的鬆肉粉豉油牛扒，或是傳統湯麵及白飯，而非意粉或 Prime 級牛扒。
來源︰Threads
港生活人氣本地熱話
↓ 限時登記拎主題樂園門票！🎢↓
【請您食😋】東海堂秋の名月禮盒🌕！
↓今個中秋帶您沉醉喺麻糬嘅軟糯同流心嘅香濃之間↓
U GO 本週好去處
