MIRROR「FING小組」新歌《BRO!》MV面世！預告澳門演唱會首唱兼召喚「全場海豚音」
由 MIRROR 四位成員 AK（江𤒹生）、Alton（王智德）、Frankie（陳瑞輝）及 Lokman（楊樂文）組成的「FING 小組」，繼強勁舞曲《FING!》與《DUM!》後，於 9 月 5 日澳門演唱會前夕，推出第三首全新單曲《BRO!》。四人今次大玩懷舊抒情曲風，避開文青式的雕琢，以最地道的香港口語與細節，深度還原男人之間「不用多說、有事即到」真實兄弟情！
MIRROR「FING 小組」推出慢板新歌《BRO!》
談到新歌構思，Lokman 表示是與公司 A&R 同事商量出來：「我哋之前兩首歌《FING!》與《DUM!》已經係跳唱歌曲，第三首歌不如玩一啲唔同啲，所以就想試依類曲風。個原故事就係我覺得我哋四個好似網上一啲Meme 圖，男人叫啤酒唔使講嘢，個 bartender 望一望指一指，你同班friend再望一望點個頭就可以叫到啤酒。Oscar 聽完就寫咗份咁有畫面的詞。」
澳門演唱會首唱兼召喚「全場海豚音」
不過這首帶點懷舊及 R&B 味的抒情慢歌，卻被 AK 爆料指因為「Dolphin Wong」的震撼出現，亦會令大家覺得整首歌「反其道而行」Alton 笑說：「作為第一個進錄音室，喺冇前人提示下，唱到嗰個高音位，突然『師傅到』夾硬衝咗上去，雖然唔知點收科，但當時錄音室氣氛非常好！我第一個玩，後面第二、三、四個就跟住一齊玩，最後都希望觀眾亦一齊玩。」
Frankie 興奮跳爆褲成MV MVP
至於 MV 拍攝當日，Frankie 亦意外躍升為跳舞擔當，事緣 Frankie 在拍攝 solo 演出時，懷疑過於瞓身演出跳到爆褲，右大髀罅位置爆開足足有一隻手掌般大！三位兄弟即時衝出瘋狂大笑，場面失控。Frankie事後無奈又搞笑地澄清：「其實原本唔係諗住跳舞，本來係諗住開個馬，點知太耐冇跳，興奮一開個馬，太大力就爆咗！」最後 Frankie 被一致公認為當日 MVP，笑爆全場！
最深刻感動的「Bro 事」
被問到四人之間最深刻感動的「Bro 事」，四子默契地全數投給了小組《W.T.F.》演唱會。不論是由 1.0 完騷後台互攬流淚，或是到 2.0 出場前喺後台圍圈熱身、純粹跳舞，甚至喺紅色車仔出發前的互動，四人都非常深刻。AK 說：「好多都好難忘，好似 MIRROR 又好，或者只係我哋四人嘅騷、綵排後返酒店嘅聚會，係好屬於我哋四個人嘅時間，四個好似一齊完咗一件事後，食飯傾偈，係好 Bro 同維繫感情嘅方法。」
港生活人氣娛樂新聞
↓ 限時登記拎主題樂園門票！🎢↓
↓【限時搶⚡】本木序蜂蜜酵素私密護理系列↓
↓預防感染、急救、日常保養↓
U GO 本週好去處
