死有對証｜劇情簡介＋演員陣容大公開！8大焦點單元個案劇情反轉 陳曉華演法醫

死有對証 故事大綱及背景簡介

新任女法醫程芷昕(陳曉華飾)從小受林琛(韋家雄飾)啟發，立志加入法醫科，入職後卻被上司林琛投閒置散。林琛與身為重案組高級督察的前妻高淑嫻(王綺琴飾)水火不容，兩人因女兒林雪蕾離家出走而再次交集。芷昕憑藉認真的工作態度贏得林琛認同，並與警員高俊(馬貫東飾)結緣，三人漸成默契十足的辦案鐵三角。

另一邊廂，芷昕閨密單佩嘉(吳若希飾)經歷失戀、失業打擊後轉任港聞記者，跟資深記者詹柏宇(阮浩棕飾)從歡喜冤家發展成互相扶持的夥伴。正當芷昕事業步入正軌，卻聞好友佩嘉死訊，誓要還原真相，為逝者發聲！

死有對証 演員陣容看點大公開

看點一：首支宣傳片預告慘死 吳若希高 EQ 玩自嘲被大讚

《死有對証》首支官方宣傳片揭出吳若希飾演的單佩嘉將會慘死，其好友程芷昕（陳曉華飾）則要忍痛親手為其解剖尋找閨密死亡真相！宣傳片引發網絡熱議，吳若希（Jinny）亦轉載並高 EQ 留言：「可以趕得切喺農曆七月之前死畀大家睇。三年前我哋都係農曆七月拍㗎！」 網民大讚好笑兼玩得，問她瞓解剖床凍唔凍時，她更爆笑回應：「好姆凍！」

+2

點擊圖片放大

看點二：首度挑戰死屍自責「喊咗唔稱職」 劇組釋出青春學生 Look 預熱

談及首度飾演死屍，Jinny 搞笑自責做得唔好：「因為始終第一次正式演死屍，嗰日我超緊張，當日拍嗰陣 Feel 到佢（陳曉華）喊時，我係超傷心嘅，有種好唔捨得嘅感覺。所以我覺得我做得唔好，因為 as 死屍我喺度喊。」此外，劇組釋出二人身穿短袖白襯衫配紅呔及灰色短裙的青春學生 Look，展現超強默契。Jinny 亦笑言極愛 Hera（陳曉華）的理由是「質咩畀佢食佢都會食」。

看點三：陳曉華曾修讀解剖學 垃圾站泥坑驗屍極度投入

飾演法醫的陳曉華及韋家雄需要在垃圾站、荒山野嶺、泥坑及後巷等惡劣環境驗屍。Hera 透露讀書時曾修讀解剖學，因此拍攝時能迅速 Focus 投入角色：「第一集我要喺垃圾站排一大堆嘅骨，因為個劇情真係好有趣，喺程芷昕嘅角度，集中好忙咁做嘢就會忘記周圍嘅環境。」另外，飾演火爆警察的馬貫東與踩界記者阮浩棕將在劇中惡鬥連場，同樣令人期待！

看點四：8 大重口味奇案曝光 劇情反轉再反轉

《死有對証》的主線與單元故事走向均極度破格，官方率先公布的劇中 8 大焦點案件，光聽名字已經令人毛骨悚然兼充滿懸念！劇組更找來無綫兩大「御用奸人」鄭子誠與陳少邦強勢坐鎮，保證案情撲朔迷離。

• 人肉三餸飯
• Deep V 壽衣
• 不倫浮屍案
• 失蹤富豪爭產案
• 瑜伽學校密室殺人事件
• 富二代殺妻案
• 霸凌案
• 十年白骨懸案

看點五：兩大港姐小花鬥吸睛 王菲緊身瑜伽服 VS 黃嘉雯晒長腿

劇組大派視覺福利，新一代上位小花王菲、黃嘉雯及李海銅齊齊上陣鬥搶鏡！

• 黃嘉雯短打上陣： 在首個極度重口味單元《人肉三餸飯》中，黃嘉雯飾演核心角色阮碧鳳，將有大量短褲造型，大晒修長美腿。

• 王菲緊身瑜伽 Look： 飾演馬貫東女友兼靚女瑜伽導師施美寧，劇中將有大量教瑜伽的場口。官方劇照中，王菲以緊身瑜伽服上陣，零贅肉的蛇腰及堅挺臀部極度吸睛！

看點六：王菲親揭「零贅肉」健美身形之謎

為了完美演繹瑜伽導師，天生瘦底的王菲拍劇前做足地獄式準備，除了勤練瑜伽增加柔軟度，還有操肌增肌打造健美線條，十分勤力，「我本身都有做開瑜伽嘅，但嗰期（為咗角色）即刻上密啲，的確嗰時啲筋係鬆到近乎做到一字馬。因為我本身由細到大都偏瘦，所以冇特登為套劇減肥，反而因為自己冇乜肌肉，驚上鏡望落會『了』，所以就有搵 PT 同做 Gym 增肌，等個人望落去挺身啲、同實淨少少有番啲線條感。嗰時主要操手臂、大髀同 Pat Pat。所以拍嗰期算係我最弗嘅時期，但因為都成三年前，依家少咗運動又年紀大咗，都開始肥番少少。」 

死有對証 角色演員對照表

+2

點擊圖片放大