港姐王菲IG晒巨鑽宣布訂婚報喜！富貴歌手男友跪地求婚「邊度就係屋企」

湖中央小船極致浪漫 張子丰單膝跪地驚喜求婚

根據張子丰公布的細節，求婚於日落前的湖中央小船上舉行。相片中可見，湖畔旁佈置了大型「MARRY ME」銀色氣球字樣，張子丰身穿淺藍色西裝，在裝滿鮮花的小船上單膝跪地向王菲遞上戒指，王菲則感動答應，二人隨後深情擁吻。

+2

點擊圖片放大

王菲手上戴著閃亮奪目的巨型求婚鑽戒，手捧一大束紅玫瑰，幸福之情溢於言表。王菲笑言，剛認識張子丰時曾笑對方「成日懶有儀式感」，但這次的浪漫安排卻讓她心花怒放，並甜蜜寫下「I said Yes」。

+4

+3

點擊圖片放大

感人長文互表心聲 王菲：呢世人唔會再遇到咁愛我嘅人

王菲在長文中感性告白，坦言自己是三分鐘熱度的人，但對著張子丰卻「每日都唔厭」，更分享曾聽過張子丰嚴肅地維護她：「只有同王菲一齊嘅張子丰先係 the best version 嘅張子丰！所以我冇可能離開佢！」讓她大為感動，並直言：「我諗我呢世人應該唔會再遇到一個我咁愛而又咁愛我嘅人……我揀啱咗啦！往後人生，合作愉快。」

+2

點擊圖片放大

張子丰亦同步發文應和，感嘆遇上王菲前曾覺人生迷茫，如今兩人「拍住上」探索世界，甜蜜宣告：「有妳有我，邊度就係屋企。」場面溫馨動人。

+3

+2

點擊圖片放大

王菲（@wongfeiiiiii）發文全文：

I said Yes 💍❤️

記得剛認識你嘅時候，我就話過你成日懶有儀式感 😏

果然到求婚呢日 都繼續貫徹你嘅儀式感

但這次 我中意 😎🥰

白羊座係一個超級三分鐘熱度嘅人（至少我係 💀）

但對住你每日都唔厭 想痴住攬住

每當有煩惱唔想理 就會萌生「想兩個人一齊逃離宇宙」嘅想法 🤣

所有嘢可以好簡單好平凡

好似只要兩個人一齊就乜都搞得掂

一齊放肆食一餐 一齊睇套好戲

就可以令我哋開心全日 😌

好記得有次聚會我哋有個男性朋友攬住你搞笑地講「張子丰同我一齊啦！」然後你突然間好嚴肅地講「唔得喎！因為只有同王菲一齊嘅張子丰先係 the best version 嘅張子丰！所以我冇可能離開佢！」個下，默默地好感動 🥺

我諗我呢世人應該唔會再遇到一個我咁愛而又咁愛我嘅人

當身邊所有人都有同我講「呢個人真係好好」嘅時候

我想講「係啊我知道啊！所以我揀啱咗啦！」

往後人生，合作愉快 🤝💕 @chzfung

#Engaged 🥦

張子丰（@chzfung）發文全文：

時：日落前

景：湖中央一條船上

人：張子丰、王菲

張子丰：妳願意嫁給我嗎？

王菲：我願意。

(2026.08.08)

💍 曾經覺得人生好迷茫，但係妳嘅出現，令我知道原來生活係可以好開心、好幸福咁過。然後有一刻，我知道呢個就係我想一齊過一世嘅人。我覺得，一定係個天派咗個天使落嚟俾我。

由最初好習慣自己一個人生活，到而家自己一個人睇會有啲淆底、一個人起身又有啲唔慣。好享受每一次二人世界，每個 Weekend 搵地方玩、搵地方探索、搵戲睇，要一齊睇哂全世界嘅戲。

以前成日有一個唔知屋企係邊嘅感覺，而家知道，邊度有妳有我，邊度就係屋企。

「餘生多多指教」呢啲老土嘢唔講喇，總之以後我哋兩個拍住上，一齊繼續進步、繼續成長；一齊去探索呢個世界、感受每一分每一秒，精精彩彩咁過埋餘下嘅人生。@wongfeiiiiii

#Engaged 🥦