女神配對計劃2｜首播第一集賽制全面升呢！公開5大女神亮點全率先睇
由「金牌媒人」林盛斌（Bob）主持的 TVB 戀愛真人騷《女神配對計劃2》，將於本周日（6 日）起、逢周日晚八點半翡翠台播映。第二季不論場景、鏡頭、女神造型及賽制均全面升級，而製作組更率先發布 5 位女神 Portrait 自我介紹照片及重點粉紅場景。
《女神配對計劃2》5 大女神盛裝登場
何沛珈（Roxanne）
身穿湖水藍修身晚裝，瞇眼送飛吻兼派大心心，甜美爆燈！Roxanne 激讚在如此 Fancy 漂亮的場景拍攝戀愛真人騷，有助投入浪漫氛圍：「現場周圍都係花、粉紅色，好夢幻」、「可以喺咁夢幻嘅世界認識男仔，成件事好似發緊夢咁呀。」
陳若思（Amber）
身穿喱士系女神風長裙，散發日系活潑美少女氣質。拍拖 5 次的她投下「反差震撼彈」，自我介紹卻強調自己的「底色」是孤獨：「大家睇我覺得我好似成日嘻嘻哈哈，好開心、好樂觀，但其實我唔係咯，我嘅底色係孤獨。我最期望喺呢個節目度，遇到真係好了解我嘅人，同埋好想愛我、好 Care 我嘅人。」驚現強烈反差。
郭珮文（Juliana）
全場唯一身穿簡約白色型格 Tube Top 搭配長褲登場的女神。進場時秒變呆萌小女孩，因行錯路爆笑發問「使唔使行多次？」，盡顯真性情。
郭珮文一進場已像小女孩般與其他女神打招呼；而當得悉自己傻傻的行錯路後，忍不住爆笑的同時又搞笑發問：「咁驚咩？使唔使行多次？」呆萌程度令人期待。
阮嘉敏（Mandy）
身穿吊帶碎花短裙小禮服，踏入 Fancy 拍攝場地笑言感覺「似被求婚」。
俞可程（Kanis）
身穿粉紅公主紗裙，俞可程形容自己是獨立又黐身的伴侶：「我希望《女神 2》令我相信番愛情，希望可以享受到一段畀人錫嘅戀愛。」
浪漫場景全面升級 經典餐枱變「五角修羅場」
第一季標誌性十足的三角餐枱，來到第二季將升級至五角枱，椅子數目亦由四張增加至十張，感覺更是緊張複雜！上一季，女神的課室配對環節爆出不少經典粉紅場面，今季雖然暫時未見「學校」蹤影，但卻曝光了一個裝飾得相當 Fancy 的電話亭畫面，意味著新一季的內容將全面升級之餘，亦務求令觀眾既有新鮮感又看得過癮。
港生活人氣娛樂新聞
↓ 限時登記拎主題樂園門票！🎢↓
↓【請您食月餅🥮】↓
>登記領取利苑「雙聚嚐月禮盒」<
U GO 本週好去處
