粉嶺人首度入觀塘驚呼似日本！網民指似新宿橫濱？打工仔怒駁放工時間再嚟過

粉嶺人首次入觀塘驚呼「似返日本」

香港各區的城市風貌各有特色，部份區域「港味十足」，亦有部分地方不時被指似足外國。日前有粉嶺居民在 Threads 上發帖，分享自己首度踏足觀塘的感受，並貼出一張拍攝 APM 商場與周邊行人天橋及港鐵站的夜景照片，寫道「粉嶺人第一次入觀塘，仲以為自己返咗日本」。

▼網民帖文▼

網民加碼曬相：根本係新宿/橫濱

該帖文迅速引來數千讚好及數百留言，更有網民上載觀塘日落與港鐵高架軌道的絕美風景照，大讚「觀塘靚過日本」！有熟悉日本的網民留言指出，觀塘的都市景致確實有幾分日本大城市的影子「少少似新宿」、「似天王寺阿倍野，兩個地方以前都係工業區，宜家起晒商業大廈，亦有庶民民生地方」、「似橫濱車站」。甚至有人打趣稱，全港各區都能找到外國影子，「中環似倫敦，金鐘似紐約，銅鑼灣似東京，屯門似京都，天水圍似 O Block！」

▼觀塘▼

+4

+3

點擊圖片放大

▼日本▼

點擊圖片放大

打工仔與街坊反駁：放工時間再嚟過！烏煙瘴氣人多車多

這番「日系美化」對於每日在觀塘出入的打工仔及老街坊而言，卻完全無法認同。不少人質疑樓主是否「對日本有誤解」，並指出觀塘的真實面貌遠非照片中那麼浪漫。有網民直言觀塘人多車多極逼擠，「日日喺觀塘返工，究竟邊度似……係咪有咩誤會？」、「你有冇試過喺觀塘等車呀？烏煙瘴氣人又多車又多，工廈又殘又舊！」更以環境與天氣差異力證兩地相差甚遠，「日本唔會一行出街焗」、「行過去開源道即刻將你拉返去現實」，並笑指「放工時間你再嚟過啦！」

+17

+16

點擊圖片放大

另外，有老街坊則指現時觀塘已變得面目全非，藉留言心酸懷念舊觀塘舊貌，「裕民坊一整完就唔會咁講，以前仲有裕民坊嘅觀塘先係最靚」、「前觀塘人見到變到面目全非，心裡面百感交集」。

圖片來源：Facebook@Tamron Hong Kong 騰龍香港、Threads@matthew0vo、Threads@dc__hiking、Threads@walterleung、Canva圖片、Google Map、YM² 裕民坊