死有對証首播｜陳曉華演面懵心精正能量法醫新手！笑臉迎戰Mean爆上司韋家雄冇晒符
TVB新劇《死有對証》昨晚（7 日）首播， 陳曉華今次飾演的「菜鳥女法醫」性格率直及正能量爆燈，昨晚一集她被出名難相處的韋家雄諸般刁難，更粗聲粗氣講盡極難聽的說話，刻薄金句勁啜核！不過自小立志做法醫的陳曉華未有被韋家雄嚇窒，更正能量爆燈用「笑臉」反擊！
陳曉華演面懵心精 「菜鳥法醫」
當韋家雄不准她在旁觀看他解剖時，陳曉華「死纏爛打」笑着說：「我戙開啲唔出聲，唔會阻到你」、「我實習嘅時候你係我偶像」、「唔該你吖！」陳曉華 Chur 到盡的行為，令到韋家雄冇晒符，最終屈服，但就要她進入解剖室時不准發出聲音。陳曉華將「菜鳥」的傻氣與毅力演得活靈活現，而韋家雄面對下屬「死纏爛打」，無奈妥協的表情喜感十足，完美襯托女主惹人歡喜之處。
笑臉迎戰Mean爆上司韋家雄
陳曉華以清爽短髮配眼鏡娘造型亮相，非常可愛，新鮮感十足，再加上「強迫症」的鮮明個性，其角色非常突出。劇中的她看似戇直，其實「面懵心精」！其中一幕馬貫東不慎碌落山坡時「拗柴」，但死頂扮冇事，但被陳曉華看穿，女方即 Chok 出一副「無知樣」大嗌：「高 Sir 跳一跳落嚟就扭親，救命呀！」更故意恐嚇對方，嚇得馬貫東臉色大變，整個場面惹笑。
拍攝前閱讀相關專業文獻
陳曉華接受 訪問時透露，拍攝前一個月已做了不少準備，除了閱讀相關專業文獻及書籍之外，她更將角色的習慣融入日常生活中：「強迫自己每一日都係咁樣做，啲嘢執得整齊啲喇，諗嘢嘅方式都係比較系統啲。」
港生活人氣娛樂新聞
↓U Lifestyle App賞您香港秋季旅遊博覽會門票↓
↓機票及酒店優惠、自助餐及餐飲套票↓
↓ 限時登記拎主題樂園門票！🎢↓
U GO 本週好去處
