網民列最差VS最理想居住地Top5！將軍澳因1缺點慘封榜首？1地方獲封最佳竟遭圍攻

樓主主觀排名曝光 將軍澳封「最差之首」

該名網民列出了心中理想與最差居住地區的各前5名。在其評價體系中，整個將軍澳區域（涵蓋調景嶺、將軍澳、坑口、寶林及康城）被評為全港最差居住地榜首，緊隨其後的依次為觀塘、藍田、上水及杏花邨。樓主以自身居住於藍田站上蓋的經驗分析，指出將軍澳前往內地或香港國際機場的車程較長，且對鐵路交通依賴度高，一旦發生鐵路故障，區內交通容易出現癱瘓情況。

最差居住地區： 將軍澳、觀塘、藍田、上水、杏花邨

理想居住地區： 荃灣、沙田、葵芳、長沙灣、大角咀

將軍澳街坊強力反駁 配套完善自成一角

自稱住在藍田站上蓋的發帖者表示，將軍澳前往內地或機場的車程較長，且高度依賴港鐵，一旦鐵路發生故障就像黑洞一樣「有入無出，所以將軍澳真係搞唔掂」。此番言論引來大量將軍澳居民反駁，指區內配套完善、綠化與海濱設施齊備，更有街坊力撐「將軍澳係最好住，踩住架單車都去齊晒，寶琳落坑口、坑口落將軍澳同調景嶺，每個地方好齊全，仲有個海濱長廊，跨住條橋去康城都得」、「將軍澳南，背山望海，樓下地鐵站，低密度，視野廣闊」、「將軍澳自成一角應有盡有，唔算嘈，有海睇、有綠化」、「將軍澳除咗好潮濕，諗唔到有咩唔好」、「將軍澳邊忽差？頂多只係交通上面麻煩少少」。

「最佳地區」荃灣遭質疑 杏花邨評價兩極

榜單中的「最佳居住地」荃灣同樣引發質疑，部分網民批評該區環境較舊且焗促，「荃灣勁臭，係我最差top1」、「荃灣好舊，只係勝在食嘢買嘢都方便」、「完全唔覺得荃葵青好住」。另一方面，被列為最差第5位的杏花邨則獲得不少評語平反，認為當地「居住環境超好！寧靜舒服，鄰居也斯文有禮」、「理想無太古笑咗，杏花邨點會差，怕打風咪住上杏，最差點可以無深水埗」。此外，亦有網民推介其他心水地區，例如「沙田世一，希望多啲人明白沙田唔係好遠」、「最理想我覺得漏咗九龍灣」、「冇山頂、冇淺水灣、冇赤柱，除咗窮都冇咩好講」、「油塘先係全港最好住地方，交通配套又好，風景又靚，又有海景」。

擇居標準取決於年齡與經濟能力

對於這份爭議極大的排名，部分網民進行理性分析，認為「唔同年齡層、經濟收入，睇法好唔同」對居住環境的要求存在差異。有留言分析指出，發帖者的思維偏向初入社會、以逛商場及搭乘公共交通為主的年輕族群；但對於職場資深或收入較高人士而言「呢啲理想嘅地方，全部都係好基層嘅地方，唔好話居住，可能根本唔想踏入呢啲地方」。

▼網民帖文+留言▼

資料及圖片來源：Threads@_hy.898_、CANVA