死有對証 ｜阮浩棕演「踩界記者」飛車追新聞場面 自爆冇電單車牌全靠替身幫忙
TVB劇集昨晚（10日）《死有對証》劇情講述原本任職美妝和時裝版記者的單佩嘉（吳若希飾），因用客戶的高踭鞋打出軌男友Patrick（袁鎮業飾），被途人拍下兼放上網，她更被封「高踭鞋女殺手」，慘遭公司炒魷。她見新工時屢次碰壁，只能做港聞記者，第一天上班已被前輩詹柏宇（阮浩棕飾）嫌棄！
死有對証｜阮浩棕演「踩界記者」
阮浩棕飾演「踩界記者」非常拚博，為追求獨家新聞，擁有很多「收風」渠道，甚至不惜游走在道德邊緣去攞料，與Jinny的角色形成強烈對比，引起網民熱估他是忠定奸。另有不少網民讚他與Jinny合作很有火花。阮浩棕於社交平台留言，自嘲於《死有對証》的角色乞人憎：「或者佢係幾寸幾乞人憎嘅，但唔理，起碼扮晒嘢懶係型咗先。」
特別染啡頭髮配合角色
阮浩棕接受官方訪問時坦言，擔心角色太囂張令觀眾討厭，所以演出時會找平衡點：「好開心監製睇完都覺得順眼，覺得個角色只係做嘢好認真。」為拍此劇，阮浩棕透露特別染啡頭髮去配合角色，他又稱劇組安排他穿背心很有心思：「着起上嚟好似我哋啲PA（助理編導）同事，但非常合理，因為我個角色要帶好多記憶卡喺身。」
飛車追新聞 自爆冇電單車牌
阮浩棕於劇中經常揸電單車追訪新聞，但原來他現實中沒有電單車牌，所有行駛中的畫面都是用替身：「或者一啲近鏡見到我，係有同事喺後面推緊架車，我只係扮嘅啫。」 今晚（11日）一集，阮浩棕會坐在天台邊緣的石壆上跟Jinny傾心事，不過原來他畏高，最初想拒絕，更向導演提議坐地下，但最終大家都覺得坐上去比較有型，他便鼓氣勇氣拍攝。
天台坐石壆談心扮有型原來腳仔軟
結果拍出來的效果非常理想，覺得導演的安排非常正確：「拍嗰時我係好驚！其實導演想我再坐出啲，但我話唔得喇，腳軟頂唔順，所以就坐喺個壆入啲嘅位。」並自爆行商場時無法靠近玻璃圍欄：「譬如時代廣場好高，我唔可以行喺玻璃邊，一定要行正中間嘅，我唔知點解好驚會跌落去。」
港生活人氣娛樂新聞
【即搶門票✨】香港秋季旅遊博覽會2026
一站式掌握最新機票與酒店優惠！
U Lifestyle App請您睇《歡迎來龍餐館》！
沈騰熱血溫情巨獻🔥1:1實景搭建＋IMAX極致視覺
U GO 本週好去處
