女神配對計劃2｜5大女神閨密陣容曝光！花生團亂入必成焦點 新招「熱線教路」介入
由「金牌媒人」林盛斌（Bob）主持的 TVB 戀愛真人騷《女神配對計劃 2》，首播即引爆全城熱話！本周日（13日）播出的第二集，五大女神何沛珈、阮嘉敏、陳若思、俞可程及郭珮文將進行「撳燈挑選心水求愛勇者」，節目更驚喜今屆「閨密花生團」特別之處，是可於觀察室直接打給閨密女神畀意見兼教路，為節目增添更多笑料。
《女神配對計劃 2》第二集！游嘉欣搞笑爆何沛珈擇偶喜好
本集最大亮點莫過於「閨密花生團」可直接在觀察室打給女神教路。何沛珈閨密游嘉欣（游游）半搞笑半認真爆料 Roxanne 喜歡「搵年紀大」，更展現招牌論盡笑言：「我覺得佢應該適合五歲以上」，嚇得阿 Bob 即時更正「係大五歲以上」！
陳若思閨密 Sam 則公開 Amber 的海量條件：「鍾意高、叻、脾氣好、白、眼大、唔肥、斯文、怕醜，最緊要天秤座！」俞可程家姐亦爆妹遇情傷是「容易受傷的女人」。
郭珮文被踢爆拜神狂掃半盒燒肉！求愛勇者爭奪五大女神入場券
至於「波霸女神」郭珮文（Juliana），則被閨密鄧凱文及主持阿 Bob 踢爆是超級吃貨。阿 Bob 搞笑指證：「我哋拜完神好多燒肉，佢食咗半盒呀！佢真係好鍾意食嘢。」場面相當搞笑。
本集求愛勇者必須獲得三位或以上女神撳燈，或獲得自己心儀女神撳燈方可成功入圍，五大女神挑選心水男神的過程精彩刺激！
港生活人氣娛樂新聞
↓【玩《潮語大挑戰》送水上樂園門票💦】↓
> 即刻挑戰下自己識幾多！<
【送戲飛🎫】《SAKAMOTO DAYS 坂本日常》真人版電影🎬
改編自超人氣同名漫畫⚔️香港兩週限定上映‼️
U GO 本週好去處
