女神配對計劃2｜愛回家男藝人公開表白陳若思！大膽宣言：「想睇吓你對我感覺」

文: 羅志宏

40分鐘前

由「金牌媒人」林盛斌（Bob）主持的TVB戀愛真人騷《女神配對計劃2》昨晚（13日）播出第二集，求愛勇者陸續出場，向各自心儀的五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）展開攻勢！近日參演《愛回家之三代同糖》的男藝人吳兆麟（Alan）就大膽上節目求愛，心儀女神陳若思！

吳兆麟 Alan 滿燈通關表白陳若思

藝人吳兆麟（Alan）以5燈滿分姿態通關，甫開聲的時候報稱藝人身份，尚未現身時即以真誠又溫柔的聲音說出：「Hello Amber 我從認識你到依家，一直都對你有好感，你身上有種特質吸引住我，促使我嚟到呢個節目去更深一層了解你。」聽到Amber 全程怕醜掩嘴，並坦承腦內一片空白：「我都唔知問咩好，我腦袋一片空白」、「我唔知佢會嚟，佢嚟時我震驚。」

點擊圖片放大

陳若思爆笑自揭曾因「被傳Covid」不滿Alan

Alan 續指最喜歡Amber的地方是既搞笑又鬼馬：「嗰時同佢拍嘢，我覺得呢個女仔Interesting」，豈料 Amber 卻爆出對 Alan 持相反看法，並直認當時不喜歡對方：「我拍嗰時有啲唔鍾意你，你係第一個傳染Covid畀我嘅人。」Amber閨密 Sam 聽畢也連連點頭：「Amber有講過呢件事，佢好在意架。」

點擊圖片放大

遭閨密爆料「婚後要女方留屋企」？

Amber 閨密 Sam 向 Amber 透露，曾聽聞 Alan 婚後不想另一半工作，此事令Amber 大打退堂鼓，而Alan 聞言激動呼冤之餘，更一嘢篤爆Sam Lau 在背後搞鬼，十分搞笑：「Sam Lau你講呢啲嘢呀？Sam Lau 你出嚟！」之後又急著向 Amber 澄清：「OMG，你真係唔好聽啲旁人講嘢！」、「我老豆話娛樂圈好混亂，最好一個出去、一個喺屋企，或者Sam 從我老豆度聽番嚟都唔出奇，但我唔係咁樣諗咯。」

點擊圖片放大

說畢又聲嘶力竭向 Amber派定心丸：「我希望你做嘢，我希望你 work with me。」之後，Amber又在Sam推波助瀾下，問Alan為何今時今日才展開追求，對此Alan謂：「你記唔記得上次食飯，其實你行入個房我都有留意你，每次我哋都係一班人，我次次都唔肯定呢個感覺，因為我從來未有單獨時間同你相處」、「其實我諗過唔上嚟，因為我唔知你對我感覺係點，我驚我上到嚟畀你拒絕我會好瘀，但I make it here，所以想睇吓你對我感覺係點樣咯。」