尖沙咀酒樓驚現9蚊鮑魚燒賣！經典點心低至$7！港人激讚有驚喜：做到咁大隻！網民拆解成本：你坐低就有賺

港人分享$9鮑魚燒賣 笑問老闆「唔驚蝕咩」

有港人於Facebook群組「香港茶餐廳及美食關注組」發帖，分享在尖沙咀一間酒樓飲茶的見聞，並以「9蚊鮑魚燒賣，老闆真係唔驚蝕咩」為題。樓主形容，這款鮑魚燒賣定價$9，「呢個價真係幾抵食」，更形容鮑魚「睇落仲幾大隻喎」。

.

從照片可見，鮑魚個頭其實偏小，屬一口鮑尺寸，大小剛好可以一口吃下。不過，樓主則認為以$9價格做到這個份量「真係有啲離譜」，並笑言以前總覺得「9蚊買唔到啲咩」，如今看到這款點心，反而「有啲唔敢相信」。

酒樓點心紙曝光 多款經典點心低至$7

樓主亦透露，自己是在尖沙咀稻香集團旗下「鍾菜館」用餐，同時上載一張港式點心紙。從點心紙見到，早午市設有不少優惠點心，除了$9鮑魚燒賣外，亦有椰蓉蛋黄流沙包、鮮淮山蒸鳳瓜、南乳花生炆豬手等，優惠價介乎$7至$9，非常抵食！

逾10款點心$10有找 網民大讚「善心價」

帖文引起網民熱烈討論，不少人率先將焦點放在「抵食」之上。有網民留言笑言：「你真係幾無良，9蚊仲叫幾抵食，直頭係善心價啦！」亦有人數出餐牌上約有十款點心低於$10元，認為以現時消費水平而言，這類價格相當吸引。

鮑魚平過午餐肉？網民拆解成本　

有網民則從食材成本入手，認為$9鮑魚燒賣未必如想像中「蝕本」，直言「而加鮑魚平過午餐肉」，又指現時不少鮑魚屬養殖產品，價格並不算高。

亦有人形容「家下啲細粒鮑，平過買張砂紙」，更有網民憶述20多年前保安道街市，曾見「$10一大碟」鮑魚仔仍無人問津，認為細粒鮑魚本身未必是昂貴食材，只是近年經商家包裝及宣傳，才令人留下「鮑魚＝高級貨」的印象。

網民留言

+4

+3

點擊圖片放大

酒樓點會蝕？網民拆解平價點心吸客術

至於酒樓是否真的會因$9鮑魚燒賣蝕錢，有網民認為「點會蝕，你一坐底已賺到盡」，指茶客飲茶通常不會只點一款點心，酒樓以超低價鮑魚燒賣吸客，客人入座後仍會點其他點心及飲品，整體消費才是關鍵。

亦有人將其比喻為昔日「一蚊雞」優惠，笑言：「等如一蚊雞，有無見稻香要執笠？」認為平價點心或只是吸客招數，未必代表酒樓每賣一份都要蝕錢。

網民留言

+4

+3

點擊圖片放大

來源：Facebook@香港茶餐廳及美食關注組