人妻私房料理｜吳業坤老婆浜口愛子親手下廚示範！可愛自爆好大食：我會扮飽
ViuTV飲食節目《人妻私房料理》今晚（16 日）播出的一集由子豐擔任主持，並邀請吳業坤（坤哥）的日籍太太浜口愛子（Aiko Hamaguchi）擔任嘉賓，為觀眾炮製「高湯玉子燒」及「日式乾咖喱」兩道日本菜式。Aiko分享，與坤哥結婚前從未到過香港，初到埗時最難適應的是語言。由於她本身英文和廣東話都不太流利，所以一開始溝通相當困難。
坤哥太太Aiko大爆老公每日甜蜜表白
來港4年的Aiko現在已經可以獨自買餸，還掌握了當中的小技巧：「講我要呢個、呢個就得！」她更形容自己已經成為半個香港人，完全適應香港的生活節奏，回到日本時反而會忍不住在心裏叫其他人：「行快啲！」Aiko亦可愛地在幕後問工作人員自己的廣東話如何，大家能否聽明白。
可愛自爆好大食：我會扮飽
談到香港男生時，Aiko大讚他們很Sweet，令子豐大感驚訝。不過 Aiko隨即解釋：「但我老公唔係太 Sweet嘅，唔會喺啲節日送花俾我，但會直接對住我講:「你好靚、好鍾意你……」甜蜜放閃！最後，Aiko更搞笑地自我告白：「其實我好鍾意食嘢、好大食，但係同女仔朋友食嘢，佢哋話飽，我都會扮飽，但其實我仲好想食！」可愛滿分！
港生活人氣娛樂新聞
【爸媽救星】送您eufy智能洗奶樽機！
【賺U Fun💰】秋季家居博覽2026
雲集家居設計、智能家居、傢俬及生活用品！
U GO 本週好去處
