死有對証｜陳少邦演渣男秒速變臉晒神級演技！親揭入行遺憾︰我連試鏡嘅機會都冇

陳少邦演渣男秒速變臉晒神級演技

原本在病床上輕鬆玩電話的陳少邦，一見警察到場，即刻扮傷心說：「我太太係咪死咗呀？」當馬貫東表示要為他錄口供，陳少邦七情上面兼大力揼自己個頭，扮作痛苦地說：「我個頭好痛呀，哎呀，我記唔起嘢，我落唔到口供！阿 Sir，我聽日清醒番嘅時候，親自嚟差館搵你落口供啦。」

當劉頌鵬踢爆指：「醫生啱啱話你好精神喎！」陳少邦更誇張地「痛到」狂揼病床，甚至差點碌落床，令馬貫東與劉頌鵬「冇晒符」，無奈收隊走人。另一幕，陳少邦到警署落口供前，被飾演律師的鄭啟泰要求講出真相。陳少邦強調自己沒有殺人，卻涼薄地以「死八婆」形容亡妻。

+2

點擊圖片放大

進入口供房後，陳少邦隨即「影帝」上身扮傷心，但就擠不出眼淚。面對馬貫東質疑他殺妻，他馬上裝出一副無辜樣反問：「我咁愛佢，我點會咁做呢？」但當劉頌鵬指出死者滿身傷痕時，他終於原形畢露，扯火怒吼：「我冇打過佢呀，你冇證冇據唔好亂咁講呀！」

+2

點擊圖片放大

之後的殮房認屍戲碼更是精彩！他被飾演外父的關偉倫攔截，並大罵他害死女兒。前一秒還在掩面痛哭的他，瞬間變臉「兇」外父：「你黐線㗎，我嚟睇我老婆條屍有咩問題呀？」緊接他又一秒切換悲痛欲絕的樣子大嗌：「老婆、老婆！」轉過頭再次指着外父開火：「你唔好亂講嘢呀，我搵律師告你誹謗㗎，外父！」陳少邦將角色明明冷漠無情，卻硬扮好老公的虛偽，連同一副『你吹我唔脹』的囂張態度，演繹得入木三分。

+4

+3

點擊圖片放大

親揭入行遺憾︰我連試鏡嘅機會都冇

現實中的陳少邦是個顧家好男人，與螢幕上惡形惡相的奸角反差極大，原來私底下的他更有一顆童心！他接受官方訪問時透露，從演以來有一個遺憾，就是剛入行時很想主持兒童節目《閃電傳真機》，最想扮老鼠參演節目中的趣劇《鼠洞》。他笑言：「我細個成日好想演呢個，讀完訓練班就想做兒童節目主持，但我連 Casting（試鏡）嘅機會都冇。我個樣根本冇可能接觸兒童節目，哈哈！如果我真係做咗兒童節目同做咗『吱吱鼠』，可能依家就唔使做壞人啦，哈哈。」

陳少邦坦言差不多十年沒演過好人角色，故此一直努力以不同方式去演繹奸角，務求令自己不斷進步，同時避免讓觀眾睇厭。他透露自己會以「奸、衰、賤、渣、壞、邪、淫、瘋、狂、喪」這十個字為基礎，來決定每次的演出方法：「每次都好似執藥咁，喺呢十個字入面執幾個出嚟。」陳少邦指今次飾演目空一切的富二代，覺得任何事都可以用錢解決，加上好色又酗酒，所以他便挑選了「賤、渣、淫、喪」這四字訣來演繹。