勁收本地小戶贊助紅館騷訊息　何韻詩：香港人勁揪！

今年十月將會再踏紅館開演唱會的何韻詩，近年積極關注社會議題，就算被廣告客戶離棄都堅持做認為對的事，日前她在Facebook呻有廣告客戶與她傾贊助，但傾兩句就無下文，令一班歌迷都非常焦急，不過見慣風浪的阿詩就以平常心面對。

今日，阿詩在Facebook再發長文，向歌迷報喜，原來連日來她收到不少中小型企業主動送暖，願意力撐阿詩的紅館騷，令她大為感動。

有歌迷都寫下溫暖留言：「真．香港人本性善良，只因社會環境影響而自我保護，其實本來香港人係好可愛架！」更有歌迷藉題發揮，建議阿詩今次的演唱會可改名「眾志成城為菇仔」，但阿詩反而幽默回應：「應該用返『何韻詩餓我唔死你吹咩演唱會』呢個title」。

來源: FB@HOCC 

下頁續看：何韻詩紅館演唱會2016詳情