女神配對計劃2｜阮嘉敏戲假情真西安拍劇7日定情！吳旭東顧慮Long D距離不敢告白

阮嘉敏吳旭東 5 度低溫漫步 1 小時 

東東與 Mandy 的起點，始於去年於西安合作短劇《瘦一斤，賺一斤，虐哭前任不過癮》，雖然合作只有七天，但當時二人已經「有啲嘢」，只是基於對Long D的顧慮，東東未有即時表白，但仍忍不住在Mandy 返港之前，做了一個極浪漫的舉動，Mandy憶述：「佢傳微信問我聽日幾點飛機，話『不如我哋用兩個鐘時間去睇舞台劇』，跟住我即刻叫經理人幫我改機票。」

《瘦一斤，賺一斤》戲假情真

當日Mandy 與東東下午看完舞台劇後，不但晚飯直落，還在五度低溫下漫步了一小時回家，相當難捨難離，Mandy：「我哋應該大家都有感覺，但因為知道真係好遠，遙距唔係咁易…」

拍過 100 部短劇從不與女主角重逢！

Mandy 坦言當時以為以後再沒機會見東東：「我有問過佢我哋會唔會再有機會拍多套短劇呢？佢話好難，佢話佢拍咗100部，都冇試過同個女主角再見番。」說到此處Mandy 熱淚盈眶，並強忍淚水：「所以我覺得我哋唔會再見番。」

阮嘉敏以為再無機會見面

Bob：「但你哋依家再見喇」Mandy：「佢有講過佢會嚟香港搵我嘅，但我冇諗過係呢個模式。」說畢再度飆淚，鄧凱文見狀即和應：「我想喊呀！」就連「理智Sam」也被感動：「我都有啲想喊。」