女神配對計劃2｜俞可程沉船現場被甜品店老闆收服！兩大優點嗒晒糖冧爆直呼：我個心好甜

《東張》女神俞可程沉船現場！

現年40歲、曾為世界健身先生亞軍的侯建民Zico，擅長整甜品及巴西柔術，甫現身即被 Kanis 家姐相中：「佢有酒粒架，我妹一定鍾意佢 graphic！」果然，愛酒粒又愛甜品的Kanis，一嚟便冧滋滋問 Zico：「你會整咩甜品畀我？」

俞可程家姐急打電話呼籲冷靜

當Zico回答：「你鍾意食乜？布甸朱古力？因為呢幾款比較甜。」Kanis即一副冧到入心狀態，阿Bob見狀：「我哋幾個可以走先，你哋慢慢傾啦好嘛？！」冷靜派家姐則表示要急 Call 阿妹呼籲冷靜：「佢春心蕩漾，我要打畀佢」、「我知你沉晒船，你個樣嗒晒糖，但我要提你冷靜吓。」肉緊又投入的反應相當討喜。

兩大優點嗒晒糖冧爆直呼：我個心好甜

Kanis 事後直認 Zico 識整甜品大大加分：「聽到佢話整甜品畀我食，我個心即刻好甜呀，布甸我好鍾意，朱古力我都好鍾意食，兩樣加埋一齊我都未食過，所以我都真係好想試吓佢整呢樣甜品。」

Zico 堅持「爭執即日當面解決」

經家姐「點醒」的Kanis，即時理智歸位，並問回現實問題：「你係鍾意照顧人、定被照顧多啲？」、「有爭執你會點處理？」Zico 聞言淡定穩重回應：「最想當日或當面解決，唔想留過夜。」家姐聞言舉腳讚好：「呢個啱喇啱喇，幾好幾好！」Kanis：「我都鍾意即時解決問題嘅人。」