大班冰皮月餅絕跡！網民爆發中秋集體回憶 狂問師傅過檔去向

中秋節食月餅！網民「懷念大班」勾起集體回憶

中秋臨近，冰皮月餅再次成為城中話題，但不少香港人第一時間記起的，是一個已經買不到的名字。近日有網民在社交平台發文懷念大班冰皮月餅，短時間內引來大批「同道中人」留言，掀起一場集體回憶。有網民在 Threads 上發文，以「一年一度懷念大班冰皮嘅節日」為題，並感慨「真係好掛住大班冰皮月餅」。帖文同時拋出一個不少人都想問的問題，「究竟大班冰皮啲師傅係咪已經退哂休了」？

大班麵包西餅曾以冰皮月餅聞名全港，自2025年全線結業之後，這款陪伴不少人成長的月餅便從貨架上消失，令帖文一出即觸動大批網民的集體回憶。

點擊圖片放大

點擊圖片放大

事主追問師傅去向 堅稱無人能取代

面對網民七嘴八舌的猜測，發文者亦在回覆中追問師傅們的去向，並表示「睇嚟都要試試佢」。不過在一輪討論之後，發文者始終認定大班的地位無可替代，直言「冰皮只係揀大班」、「無人能取代」，更形容「大班真係number one」。

網民齊嘆可惜 議論師傅花落誰家

帖文引來不少網民留言，並紛紛對大班冰皮月餅的消失表示惋惜，認為其質素難以取代。有人直言「無咗大班冰皮簡直係一大損失」，亦有人以自身經驗背書，「唔太食綠豆既人表示綠豆蓉勁好食」，另有留言坦言「自從大班執咗之後冇再食冰皮好懷念呀！」亦有網民將焦點放在製作團隊的去向，議論究竟是哪一間老字號接手，惟眾說紛紜，未有定論。

有人則嘗試解釋為何味道難以復刻，質疑「呢啲工廠嘢，係咪每人一個工序，根本冇人識整成個月餅出嚟」，獲不少人認同。另有留言稱四出尋找替代品卻認為難取代當年品牌的回憶。

資料及圖片來源：Threads＠iamjuju_diary、官方圖片