慈雲山公園奇觀！遊樂場驚現深啡拱形設施！街坊笑爆：請問設計概念係咩？

夜幕下極具「視覺衝擊」！慈雲山奇觀設施引街坊圍觀

香港公眾遊樂場又有新話題！日前有街坊在 Facebook 群組「慈雲山資訊交流」上載相片，指晚上行過慈雲山慈安苑及慈雲山中心附近的遊樂場時，發現滑梯旁邊有一組造型相當「獨特」的攀爬設施。樓主看完半天都摸不著頭腦，忍不住發問「請問呢個設計概念係乜嘢？」

從相片可見，該設施相信是想打造仿樹木質感，由數條粗壯、表面呈現凹凸不平紋理的深褐色彎曲柱體組成，中間配有金屬扶手與圓圈供小朋友攀爬。然而，在夜晚燈光的照射下，搭配埋偏深褐色嘅塗裝，整體賣相顯得相當奇妙，令人聯想翩翩。

網民笑爆：慈雲山地標嚟！

帖文一出，短時間內吸引大批網民及區內居民留言。大部份人直言這組設施無論配色或線條都太令人尷尬，直言「好大嘅視覺衝擊」、「食緊嘢睇到有啲反胃」、「炸大腸」，更有街坊留言指自己與家人早已幫這公園改了一個秘密綽號，「我和家人長期叫這裏做三條屎公園」、「慈雲山地標」；亦有網民笑言「藝術嘅嘢我哋識條鐵咩」、「概念：你的孩子是蒼蠅」、「可能是通渠」。 甚至有緊貼時事的網民重提早前的健身盛事，搞笑抽水「預知 HYROX 喎」、「HYROX 事件致敬」！

+13

+12

點擊圖片放大

實用性同樣惹質疑

除了造型極具爭議，不少家長同網民亦質疑這組設施的實際用途及安全性。有留言指出，斜位攀爬位置如果沒有足夠防滑，小朋友爬上去隨時失足跌下來，直言「肉酸都算，其實點玩？」。不過亦有理性網民幫忙正視聽，指設施原意應該想模仿樹幹與自然生態，只可能顏色及造型處理得未夠理想，先會造成今次爆笑誤會！

+3

+2

點擊圖片放大

資料及圖片來源：Facebook@慈雲山資訊交流、《港生活》