陳家樂首支個人單曲《我們都是無名氏》登場！親自填詞感謝成長路上的無名氏

陳家樂首支個人單曲《我們都是無名氏》登場

陳家樂（Carlos）昨晚（23日）舉行首支個人單曲《我們都是無名氏》新歌發佈會，首度公開演唱新歌兼首播MV。不少圈中好友包括：洪卓立（Ken）、許靖韻（Angela）、楊天宇（Angus）、周志文、張文傑等都前來撐場。雖然當晚家樂緊張到流鼻水，要問台下觀眾拿紙巾抹！

完Show後，家樂直言今次是人生最緊張的一次，「Show前嗰種感覺好似全身冇力，作病咁樣，個腦入面係咁諗住啲歌詞、諗住啲Chord，完全唔係一個深層嘅睡眠。今朝十點已經係處於一個好迷嘅狀態，個腦淨係不斷咁重複啲歌詞，好緊張，即使陳太係咁講說話令我放鬆，但我完全入唔到耳！」他指自己剛到場時更是手腳冰冷，「好似就嚟累低，個感覺係呼吸唔到、就嚟窒息。」

+2

點擊圖片放大

親自填詞感謝成長路上的無名氏

上台後雖然仍然緊張，但感覺變得神奇，「彈第一Chord嘅時候，就有種：『死就死啦！』嘅感覺。我都唔知自己個演出會點，都上到嚟，The Show Must Go On！」他指有位同事跟他說「Action」後便覺得「我就係要做好呢場戲」，「越唱到後面就越輕鬆，今次比自己五十分啦，啱啱好合格。」

家樂又特別多謝太太Shiga跟Ken，「Show前陳太都有不斷幫我紓壓，令到我冇咁緊張，講咗佢好多舞台嘅經驗，希望我可以上台前有啲咩準備。」Shiga全程喺台下默默支持，的確是家樂最大的定心丸。

至於阿Ken，家樂謂：「阿Ken好幫忙，前日佢專登去咗我綵排嘅地方，俾好多Tips我，我邊啲位或者發聲位要再俾啲力，因為可能以前唱歌嘅習慣未係好改到，佢即時就話到俾我聽咁樣唔係咁好，幫我調整。」提到樂壇頒獎禮，家樂即耍手擰頭，「呢個太遙遠啦，我唔敢去諗。我反而更加希望係呢首歌有觀眾或者一啲認識我嘅朋友聽到，可以更加了解到陳家樂想表達啲乜嘢，重點係多啲人去認識我同埋呢首歌。」