陳柏宇全新單曲《尚有愛的資格》登場！與側田夢幻聯手解合作契機︰旋律有佢嘅美學

陳柏宇全新單曲《尚有愛的資格》登場

繼〈快照〉找來 Jay Fung 作曲後，Jason 陳柏宇全新單曲〈尚有愛的資格〉邀請到側田為自其譜曲。除邀來重量級作曲人外，填詞方面則由曾合作〈不愛無壞〉的填詞人 Oscar 執筆，再度與 Jason 創作出另一首關於「愛」的作品。

與側田夢幻聯手解合作契機︰旋律有佢嘅美學

這次合作也達成了 Jason 一直以來的心願——邀請側田為自己寫歌。Jason 表示：「其實一直都想搵側田作首歌畀我，但我之前一直覺得未有呢個資格去搵人寫歌。」直到去年，Jason 鼓起勇氣主動向側田邀歌。他笑言過程其實非常直接：「有一日喺 WhatsApp send 咗個 message 畀側田『可唔可以作首歌畀我呀？』，成件事就係咁簡單。」

Jason 提到自己向來十分喜愛側田的作品，特別是旋律部分；而最近聽得最多的一首，則是側田去年推出的〈OldBoy〉：「我覺得呢首歌好有味道，聽得出佢（側田）當時諗緊啲乜嘢。」對於側田為自己創作的旋律，Jason 大讚：「雕花有雕花嘅好，但呢首歌雖然簡單，要演繹得好卻一啲都唔容易，喺入面你會感受到佢嘅真摯。」此外，Jason 認為側田的旋律獨具一種難以言喻的專屬美學，值得樂迷細細品味。