MC張天賦預告《E=MC²》澳門場還原紅館舞台！最後兩個月極速操肌 透露有驚喜嘉賓

MC張天賦預告《E=MC²》澳門場還原紅館舞台

澳門作為《E=MC²》巡演的第三站，MC透露希望將香港首站的原汁原味帶到澳門。他說：「上次香港演唱會嘅鋪排、舞台效果同揀歌，團隊都用心計劃咗好耐，所以我好希望澳門站可以盡量貼近香港嘅流程。好似嗰啲討論度好高嘅道具同舞台效果，我都好想原汁原味帶過去畀澳門觀眾睇，以最大化呈現返個主題。」

點擊圖片放大

最後兩個月極速操肌 透露有驚喜嘉賓

那「賦二代」（粉絲暱稱）緊張的腹肌又會否原汁原味帶到澳門？MC隨即「wow！」了一聲，笑言整個演唱會唯一最不想多的是體脂，並說：「體脂嚟講呢，我發現越少越好，盡力啦！依家嚟講都有兩個月，準備應該係可以夠時間。」

提及紅館站邀請多位嘉賓的熱烈反應，MC直言澳門站正極力爭取延續豐富的嘉賓環節。他形容嘉賓出場能讓節目內容更為豐富，亦能為觀眾帶來驚喜。談到整晚自己最期待的環節，道：「我自己最期待嘅，一定係Part4好似『曬冷』環節，有齊道具、樂隊、Dancer同結他solo，玩得最過癮。」

對於澳門站能否突破上次紅館給予自己的7.5分評分，他肯定道：「應該冇，唔會高過7.5分，因為要俾空間自己進步，其他就由觀眾加。」