死有對証劇情｜曹銦玲擺脫甜美形象黑化演雙面學生！演技大爆發面容扭曲鬧人廢柴超震撼

文: 吳佳雅

55分鐘前

TVB熱播懸疑法證劇《死有對証》展開全新「霸凌案」單元！最令人喜出望外的莫過於兒童節目《Hands Up》主持、被封為「兒童節目女神」的28歲童顏女星曹銦玲！今次她一改過往甜美乖乖女形象，破格飾演一名富裕的雙面壞學生，私底下聯群結黨囂張欺凌同學，潑辣毒舌兼扭曲的演繹驚豔一眾網民！

曹銦玲擺脫甜美形象黑化演雙面學生

《死有對証》昨晚（24日）展開新單元「霸凌案」，劇情講述城中發生幾宗少女自殺案，共通點是遺書中都透露「我要成為葬天使」。女學生碧芝（曹銦玲飾）一直聯群結黨欺凌同學周靜（樂珈嘉飾），之後誤會雪蕾（劉芷玲飾）向老師舉報她吸食電子煙，結果轉移欺凌雪蕾，雪蕾盛怒下掌摑碧芝，被訓導主任要求見家長。

今次曹銦玲在劇中出身富裕家庭，在父母和老師面前是品學兼優的好學生，私下卻愛欺凌同學。其中一幕公園戲，曹銦玲與「黨羽」攔著劉芷玲與樂珈嘉的去路，恃著人多勢眾，連珠炮發地侮辱劉芷玲：「咁急趕住去邊？見到我都唔打招呼」、「我哋唔係人多大晒，係我讀書叻呀！你呢啲讀書廢又幫唔到學校攞獎嘅垃圾，梗係我哋大晒啦，係咪呀？嘻嘻！」她更搶去劉芷玲手中關於Cosplay的雜誌並撕爛，更大聲嘲笑：「網上面啲人話十個玩Cosplay，十一個都係雞嚟㗎！」

點擊圖片放大

演技大爆發面容扭曲鬧人廢柴超震撼

其後，曹銦玲在課室貼滿劉芷玲Cosplay的照片，更取笑對方是「姣婆四」。放學後，劉芷玲拿著剛買的限量版Cosplay服飾，卻遭曹銦玲搶去兼撕爛服裝上的翅膀，並嘲笑說：「你真係『中二病』末期喎！」最後曹銦玲更咬牙切齒、面容扭曲地罵：「你永遠都係一個廢柴！」其咄咄逼人的囂張氣場，終於激到劉芷玲忍無可忍，繼而大打出手。

曹銦玲接受官方訪問時笑言，不擔心被定型演壞學生：「我反而驚啲觀眾定型咗我係甜美、乖乖女角色，所以今次接到呢個角色好開心，可以畀觀眾睇到我唔同嘅一面。」問到會否擔心破壞了小朋友心目中《Hands Up》主持形象？曹銦玲覺得現時的小朋友很聰明：「佢哋識得分邊啲係做戲，同埋自從碧芝出咗場，收到好多《Hands Up》觀眾好好嘅Feedback，話估唔到我演咁壞嘅學生入型入格，仲話睇咗一陣先發現係我，因為同我喺《Hands Up》嘅氣質好唔同。」