女神配對計劃2｜阮嘉敏出動50件「三尖八角」私伙衫！連阮媽媽都喊難摺考倒勇者

阮嘉敏出動 50 件「三尖八角」私伙衫考驗勇者

製作組先公布了其中一名女神Mandy的通關題目，有「鐘點女神」之稱的Mandy，遭製作組要求從家裏挑選100件「私伙衫」帶往五角枱現場考驗闖關者；題目是，通關者需要將 Pat 在枱面上的「Mandy私伙衫」，逐件摺好及疊好，摺得最快最整齊的，便可得到與 Mandy 並肩歎主菜的福利。

參與是次通關考驗的求愛勇者，分別為Mandy 頭號忠粉 Hepta、林福明 Tony，以及為了與Amber同枱，咩考驗都放手一搏的丁標。

阮嘉敏《女神2》通關遊戲大公開 考驗勇者家務細心度 

Mandy 事後受訪時，坦言製作組的安排十分「貼心」、也十分蠱惑：「之前佢哋問我攞咁多件衫，我都知道過癮咯，我媽咪同我一齊揀架。」Mandy 續指部分衣服的難摺程度，連阮媽媽亦被考起：「我媽話呢件啦，呢件我平時都唔知點摺呀。」

最終，製作組挑選了50件Mandy最「三尖八角」的私伙衫作為通關題目，而三位求愛勇者自然摺到叫苦連天，Hepta：「成枱都係女士嘅衫，三尖八角，點算呀，唔識摺呀真係」、「呢件咩事？」林福明：「點摺呀呢啲」。至於身為女神的 Roxanne，也忍不住邊睇邊喪食花生：「嗰件咁難摺。」

相關閱讀：