死有對証劇情｜王菲黑化演拜金女背叛馬貫東！轉頭激吻黃俊豪「派帽」踐踏尊嚴

王菲黑化演拜金女背叛馬貫東

昨晚（28日）劇情焦點落在馬貫東被王菲「派帽」一幕！劇中馬貫東對王菲體貼專一千依百順，但女方卻好高驚遠，一心只想創業做老闆娘。當她遇上「高富帥」黃俊豪後，與馬貫東的感情即輕易動搖。其後黃俊豪略施苦肉計，假裝被馬貫東毆打並向王菲「告狀」，更揚言要撤資。王菲以為被「閂水喉」，即怒罵馬貫東：「人哋唔似得你，一百幾廿萬都攞唔出」、「我等到你今時今日，你都仲係一個散仔咋」、「你唔好再煩住我，我哋分開吓！」。

+2

點擊圖片放大

轉頭激吻黃俊豪「派帽」踐踏尊嚴

鬧完馬貫東，王菲即找黃俊豪賠罪，更狂數馬貫東不是：「佢見到你就會自卑，你有錢過佢又靚仔過佢。」黃俊豪即打蛇隨棍上順勢親吻女方，兩人四唇交疊，馬貫東在不知情下「被派帽」。不少網民留言怒轟美寧綠茶，替高 Sir 抱不平。

+2

點擊圖片放大

+2

點擊圖片放大

王菲受訪時談到無理取鬧的演出，坦言當時代入了馬貫東的角色：「我覺得佢個角色好慘，佢付出咗好多但對方睇唔到。所以我望住佢個樣好慘、好委屈，我就會盡力地去鬧，對方愈委屈，我就鬧得愈起勁。」對於獻出螢幕初吻激咀黃俊豪，王菲笑言初時以為是蜻蜓點水，幸好兩人相熟且對方極具風度，故拍攝時並無尷尬。