魔音女團推出第二首新歌《純粹好感》！莊子璇倪嘉雯親揭拍攝有難度：一直控制企位

魔音女團推出第二首新歌《純粹好感》

魔音女團 MYNT 今次收起型格性感，改以純白純愛 Look＋Gfable 甜美造型示人，前者仙氣滿滿，後者甜美 Cutie。MV 有森林、Home Sweet Home 及沙灘三大主題場景，六位團員各自與 MV 男主角展現了戀愛中不同層次的甜蜜，例如 Sabrina 的「枕頭大戰」、Carmen「甜蜜聽歌」、Chelsea「煙韌入廚」、Ellyn「耍花槍打機」、Skylar「佻皮晾衫」，以及 Hilary 的「浪漫沙灘漫步」。

在眾多 Gfable 造型中，以 Skyla 的「尖面丸子頭」，以及 Carmen 及Ellyn 的居家造型最搶，Carmen 其中一幕坐在客廳地板上「伸懶腰」的畫面，將其「A4」腰展露無遺，加上招牌甜美＋傻笑，完美演繹「呆萌傻女友」Feel。

+5

+4

點擊圖片放大

莊子璇倪嘉雯親揭拍攝有難度：一直控制企位

而這個 MV 的獨特之處，是男主角在 MV 中全程未有「露面」，無論是與魔音女團多甜蜜的互動，製作團隊均有本事將男主角的正面樣「好好收起」，成功令網上掀起一股男主角競猜熱潮。

+2

點擊圖片放大

由於要技巧地避開男主角正面樣，拍攝時自然有難度，Carmen 受訪時笑言重拍是經常發生的事：「最好笑嘅就係，同佢拍一啲互動嘢時，因為一定會拍到男主角嘅五官或者少少側面，好咗 Make Sure 觀眾認唔到佢，好多時都要重拍。」

+3

+2

點擊圖片放大

Hilary 則笑言對她來說難度不算高：「難嘅位都喺晒男主角同拍攝團隊。因為佢哋要一直控制企位同角度，要避開鏡頭，唔好畀個樣入鏡。好多鏡頭我哋唔係真正望住對方，而係要借角度去做出對望嘅感覺，拿捏呢個位置同視線都好講究。」問到能否透露少許男主角貼士，二人異口同聲：「佢拍開劇」、「我哋都幾熟嘅」。到底男主角是誰，答案就等下回分解。

+4

+3

點擊圖片放大