MIRROR成員AK、Alton受訪態度惹爭議！瘋狂火爆對答惹網民怒轟：憑咩咁大支野

AK Alton記者會反駁提問  AK火爆反擊

事緣傳媒在現場追問 AK 早前疑於個人社交平台IG Story上載「舉中指」黑圖的意思時，AK 態度強硬且直言：「個IG係我嘅、個Story係我嘅、我鍾意出咩咪出咩」、「我開唔開心都唔關你事」、「你唔使咁多擔心啦，我都未問你哋」、「冇咩特別，我不嬲都係咁」。當傳媒繼續追問時，他更拿天災做擋箭牌反問：「咩呀！大家關心下出面嘅事情呀，泰國水浸呀」。

另外，問到 Alton 近況問題時，Alton亦帶反駁口吻回應「你知道咁多，你自己訪問自己呀嘛」，受訪期間二人更被指當眾打呵欠，態度顯得相當輕佻不耐煩。

網民怒轟「未見過呢個級數咁大支野」 vs 粉絲力撐「真性情」

訪問片段曝光後，社交平台 Threads 及各討論區隨即引發大批網民討伐。有網民指責及痛批：「做藝人連基本尊重都冇」、「以為自己大明星」、「發得上 Public IG Story 就唔好扮私密，預咗全世界會睇會問，問兩句就閙人封人」；更有留言直指：「食得呢行飯就預咗被記者問，依家係工作緊，未見過呢啲級數嘅明星咁大支野」、「天王巨星都未會擺呢種態度」、「BTS 都唔咁寸」。

不過，亦有部分忠實粉絲（鏡粉）為偶像護航，認為兩人的回應只是爽朗、真性情的表現，更有人稱讚 Alton 的回應「正到爆」，直指傳媒提問過於敏感及無理，藝人有權捍衛個人隱私。