死有對証劇情｜馬貫東晒「車震片」狠飛綠茶女友！神級演技跪地拾合照鎖匙扣雙眼通紅
在 TVB 熱播劇《死有對証》中，馬貫東飾演的「高 Sir」昨晚（1日）迎來大快人心的重頭戲！一直對女友王菲千依百順的他，在意外拿到女友與黃俊豪的「車震偷拍片」後終於覺醒，忍痛向王菲提出分手。馬貫東將好男人面對背叛時的震怒、心碎與崩潰展現得淋漓盡致，演技獲全網大讚「欠他一個獎」！
馬貫東亮「車震片」狠飛綠茶女友
《死有對証》昨晚（1日）最震撼的劇情，必定是馬貫東向王菲提出分手時，展示她與黃俊豪的車震片段！一直對王菲千依百順的馬貫東，首次激動鬧女方：「如果唔係龐米高咁變態，偷拍你哋車震，我到依家都畀你哋呃緊呀！」王菲知道不能挽回感情後，竟口出惡言：「其實我同你一齊咁多年，我都好唔開心㗎，因為我想要嘅嘢，你根本畀唔到我呀！」
跪地拾合照鎖匙扣晒神級演技
當她轉身離開時，馬貫東叫停要回屋企鎖匙，王菲怒將鎖匙掟在地上離去；馬貫東跪下拾回鎖匙，看着印有兩人樣子的鎖匙扣雙眼通紅，場面極度傷感。不少網民激讚馬貫東完美演繹「綠帽俠」的傷感：「馬貫東忍痛分手演繹得好到位，大快人心」、「馬貫東做戲好，欠他一個獎。」
獲全網一致讚爆
馬貫東受訪時感謝大家支持：「嗰刻完全憑直覺去演繹，同埋阿菲真係發揮得非常好。喺拍攝嘅過程裏面，我成個人完全沉浸咗落去。嗰種身處極度無可奈何嘅困境，當高俊接二連三受到打擊同傷害之後，佢嗰個崩潰又崩塌嘅內心世界，就咁活生生咁展現喺我眼前，再透過我嘅演繹呈現畀觀眾睇。」
港生活人氣娛樂新聞
U Lifestyle App 請您去《EVANGELION》系列 30 週年紀念「最後的使者 渚薰展」香港！
神級聲優專屬語音導航🎧珍貴劇本還原經典場面✍️
↓【請您歎奢華海景下午茶！✨】↓
> 登記免費雙人High Tea <
U GO 本週好去處
