獨立唱作人王漢勛Dave推出新歌！自爆曾因心軟連續失眠5日還被指自私

王漢勛Dave推出全新單曲《Honey Honey》

《Honey Honey》以有一種糖，糖衣是蜜糖，心子是砒霜破題，歌詞精準描寫關係中自導自演的痛苦與熟練得可怕的罪行，撕破以愛為名、實則蹂躪靈魂的偽善面具。Dave說：「歌曲靈感源自自身及身邊城市人的真實經歷。愛除咗係一個力量之外，其實都可以變相係一種束縛。現實社會有好多人會基於愛同信任進行情緒勒索，大家成日都會喺『幫佢』同『唔幫佢』之間糾結，呢種精神同情緒上嘅矛盾就誕生咗呢首歌。」。

Dave透露，過去在工作上因心軟而難以拒絕他人要求，曾試過連續五日未能入睡，最終卻反被指責自私及不顧別人感受。他寄語：「希望大家可以尊重返自己聲音，堅持向一啲自己唔喜歡嘅事情說不。」他強調《Honey Honey》不僅限於親密關係，更直指網絡公審、職場精神供奉等集體社會病態，堪稱送給所有在精神枷鎖中掙扎者的拒絕忍受宣言。

音樂解剖「情緒勒索」 預告下半年推出寫真大碟

為配合歌曲主題，MV特意採用金碧輝煌的夜總會風格拍攝，營造華麗與壓抑並存的反差感。Dave解釋：「今次好得意，我哋好似做到一個夜總會嘅形式，現場大家見到好金碧輝煌嘅地方，就係想做到一個反差，呈現人同人之間社會嘅交流同矛盾。」客串的ST Singers以女士和聲組合形式參與，為作品增添豐富層次。

被問及年度計劃，Dave表示上半年因投入教學及其他項目而東奔西跑，餘下半年將全力追趕音樂製作進度，並落實去年向團隊及公司許下的承諾，推出貫穿人性與哲學主題的寫真大碟。他補充道：「上年同團隊講咗希望可以做一本寫真大碟，今年希望承接返呢個承諾，入面會講好多關於人性、哲學嘅嘢，希望大家多多支持。」。