港大醫學院院長劉澤星曾經面骨多處斷裂！「痛腳」困擾7年敲斷4條腳趾骨極痛

跑馬拉松曾遇驚人意外！面骨多處斷裂一度失去意識

劉院長是運動健將，跑了廿多年馬拉松，「唔跑唔舒服，但又試過跑到唔舒服」，幾年前甚至跑到心律嚴重不正要入院，他在節目憶述當時情況：「心電圖好肉酸，望落好似就快死咁。」大難不死，兩年後備戰馬拉松，再「跑到鬼門關」，練跑期間突然失去意識跌倒，以致面骨多處斷裂，還縫了很多針，院長展示當年圖片，令人觸目驚心：「因為我一跌落地下，呢度有幾個地方裂咗，裡面流血，喺鼻哥度噴好多血出嚟。」

雖然受重創，劉院長住院期間還有心情睇自己的X光片研究病情，之後「邊度跌低邊度起番身」，繼續挑戰馬拉松，玩埋Hyrox 健身賽。可惜未幾又遇上另一個問題——左腳拇趾嚴重外翻兼腳趾脫臼！

「出得來跑，預咗要還」，劉院長用「拖字訣」，就算「痛腳」困擾六、七年，依然如常上班、跑步、Hyrox，「跑步是『RUNNING』，我依家係RUN剔走咗個『R』，UN下UN下，我覺得都幾好呀，咪UN下UN下咯。」團隊笑稱院長是不折不扣的「Unning Man」！

+3

+2

點擊圖片放大

方東昇團隊「陪跑變陪入院」戲劇性直擊名醫難搞實錄

• 而整場訪問最神奇之處，是團隊原本相約劉院長到運動場，拍攝跑步英姿，豈料後來收到緊急通知，院長腳趾嚴重外翻及甩臼，所以採訪地點由運動場變成醫院，主題亦由「陪醫生跑步」戲劇性地變成「陪醫生做手術」。

+3

+2

點擊圖片放大

術前爭分奪秒 Work From Hospital

難得的是，劉院長等候做手術期間依然談笑風生，他更因為自身患病，深切體會病人之苦，極富同理心：「類風濕病人的手腳及膝蓋，我沒關節炎是無法感受的，現在能感受了，但只感受部分，我兩隻腳趾都如此辛苦，他們十隻腳趾一定很辛苦。」雖然周身病痛，劉院長進入手術室前兩小時，仍把握時間「Work from Hospital」，他最關心何時能夠「返番工」及坐飛機外出公幹，難怪醫生被形容為「最難搞病人」！

「醫生耐唔耐病下，企番喺病人嗰邊感受一下，都係一件好事」

這位「難搞」的病人遇上一次難得的反思機會，術後再次接受方東昇團隊訪問時，被敲斷了四條腳趾骨的劉院長表示一度痛到嘔吐大作：「我覺得作為醫生，耐唔耐病下，企番喺病人嗰邊感受一下，都係一件好事」。他又反思醫生對病人的影響力：「醫生一句嘢影響好大，頭先覆診醫生話：『你隻腳消腫得好快』，我就覺得好開心。平時我未必覺得我講呢句嘢對病人有咩影響，但原來病人聽咗醫生好簡單嘅一啲說話，都可以記喺心。」

自嘲愛「拖延」兼害怕「面對病情」的劉院長，節目尾聲還公開呼籲大家：「有病，企硬，唔好拖！」

相關閱讀：