死有對証劇情｜吳若希突然慘死留震撼懸念！自爆有幽閉恐懼照演死屍：唔可以拉晒拉鏈

吳若希突遭毒手伏屍草地留大結局懸念

昨晚（8日）劇情講述詹柏宇（阮浩棕飾）以為錯手殺害甘世宏（譚坤倫飾），決定與母親馮瑜（韓馬利飾）逃離香港。警員高俊（馬貫東飾）等受公關 Anita（關楓馨飾）假口供誤導，將柏宇列為疑犯，柏宇母子只好在花王孔國全（方紹聰飾）協助下藏身村屋。其後警方識破 Anita 謊言，發現真凶另有其人。

+2

點擊圖片放大

另邊廂，柏宇離開村屋跟單佩嘉（吳若希飾）見面，但黃昏時分驚見女方伏屍地上，為大結局留下震撼懸念！

自爆演死屍經驗豐富笑言「爐火純青」

對於昨晚毫無預警下「領便當」，吳若希接受官方訪問時笑言，演死屍已相當有經驗：「雖然拍嗰日係夏天，張床亦好凍，不過好彩我喺個死屍袋入面，可以隔水同隔凍，所以喺入面其實都幾溫暖。但因為我有少少幽閉恐懼症，個袋係唔可以拉晒拉鏈。」

吳若希更笑言演死屍已「爐火純青」，因首次拍死屍戲時，看見同劇拍檔哭泣，她亦忍不住喊，但之後再拍攝已能控制情緒：「我覺得依家做會做得更加好，因為瘦過之前，塊面削咗，如果化個死屍妝應該會幾似。所以希望之後有警匪劇，就算唔搵我做警察，都可以搵我做死屍。」。