愛回家｜傳吳若希即將被飛出《三代同糖》 TVB緊急宣布《開心速遞》成員回歸

吳若希演技遭嫌兼點讚對台！引發高層震怒傳第 50 集後淡出

傳聞消息指，擔正《三代同糖》女主角的吳若希，因劇集收視持續疲弱，加上演技被觀眾指摘過於浮誇誇張，早已備受爭議。

雪上加霜的是，她日前被發現私下於社交平台點讚對台 HOY TV 新處境劇《你的保安李寶安》，此舉徹底觸怒 TVB 管理層，隨即遭召回「照肺」訓話。據悉劇組已密鑼緊鼓修改劇本，預計在第 50 集後將其飾演的「唐萬里」大幅刪減戲份，逐步安排離隊。

《開心速遞》四子視訊爆彩蛋！證實舊將歸隊

就在女主角傳出被換之際，TVB 官方突發釋出題為「列堤頓道 99 號同框爆內幕」的短片。其實《開心速遞》圓滿落幕時，台前幕後都曾有人透露成員只是「放吓假」，佢哋隨時「返屋企」，想不到才兩個月已有好消息公布。

+2

點擊圖片放大

官方昨晚（9日）推出題為「列堤頓道99號同框爆內幕」的突發消息，《開心速遞》四子「金城安」周嘉洛、「朱凌凌」吳偉豪、「風少」陳浚霆及「艾頓壯」焦浩軒突發 Video call，透露收到消息即將有《開心速遞》成員「歸隊」加入《三代同糖》，投下震撼彈！

四子一唱一和搞笑試探 互問「邊個唔喺度？」

四子甫接通 video call 即是一輪喧鬧「好耐冇見」，隨即吳偉豪直入正題：「有件事想問下你哋。我收到風，《開心速遞》嘅成員將會加入《三代同糖》，你哋有冇聽到咁嘅消息呀？」其餘三子聽到反應甚為驚喜，陳浚霆大講英文搞Gag：「What? It's Crazy!」隨即互相「試探」：「係咪你呀？係咪你呀？安仔！」兼否認是自己。

混亂間，陳浚霆爆了一句重要線索：「咁有邊個唔喺度吖？」獲周嘉洛點讚：「Good acting、good acting! 你以為咁樣呃到我咩？」擾攘一輪，吳偉豪最後打圓場：「咁睇嚟都唔係我哋四個喎。」此時，陳浚霆不忘故弄玄虛：「定等出街先知㗎通常，好難講架喎。」

半日狂吸過萬 Likes 「熊若水」呂慧儀留言暗露玄機

「突發消息」播出不到一晚，影片暴風式吸獲過萬 Likes，大批網民集氣求《開心速遞》成員盡快歸隊兼大嗌期待：「好有親切感」、「究竟係邊個，好想知道」，就連「熊若水」呂慧儀亦有留言：「四個一齊返。」